News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Երեկ երեկոյան Վերին Լարսի անցակետում բռնված հայ վարորդն, ով քննիչի որոշմամբ ազատ էր արձակվել վրացի դատախազի որոշմամբ ձերբակալվել է։ Այս մասին NEWS.am–ին հայտնեց հայտնեց հայկական «Ավազառ բուս» ուղեւորափոխադրող ընկերության պատասխանատու Վիգեն Հարությունյանը։ Նա նշեց, որ 35–ամյա Արտյոմ Խաչատրյանը, թեև քննիչի մոտ ապացուցել է, որ ինքը որևէ կապ չունի տեղափոխվող բեռի հետ, ասածը հաստատող տվյալներ և տեսանյութ է ներկայացրել, սակայն դատախազության որոշմամբ նրան ձերբակալել են։

Ընկերությունը Վրաստանում ՀՀ դեսպանությանը խնդրել է զբաղվել խնդրով, սակայն մինչ այս պահը ըստ Հարությունյանի՝  դեսպանատունը քայլեր չի ձեռնարկել հայ վարորդին իրավական աջակցություն ցուցաբերելոև և վրացի իրավապահների հետ հարցը քննարկելու համար։

Նշենք, որ հայ վարորդին բռնել էին այն բանից հետո, երբ ավտոբուսում 500գ հերոին էին հայտնաբերել։

Ավելի վաղ «Ավազառ բուս» ուղեւորափոխադրող ընկերության պատասխանատու Վիգեն Հարությունյանը NEWS.am–ին հայտնել էր Մոսկվայում իրենց ընկերության ներկայացուցչություն են բերել երեխաների համար նախատեսված հովերբորդի փաթեթ։ Կազմակերպությունը, կասկած չունենալով, որ ծանրոցում մանկական իր է, համաձայնել է բեռը հասցնել Երևան։ Սակայն ռուս–վրացական սահմանի Վերին Լարսի անցակետում վրացի սահմանապահները զննելով ավտոբուսը՝ ծանրոցում հայտնաբերել են շուրջ 500 գրամ հերոին տեսակի թմրանյութ, ինչից հետո ավտոբուսը զննելու նպատակով ուղևորներին իջեցրել են, իսկ վարորդին տարել հարցաքննության։

Վիգեն Հարությունյանը  NEWS.am–ին տեղեկաց, որ ուղևորներին Հայաստան տեղափոխելու նպատակով ուղևորափոխադրող ընկերության կողմից տրամադրված լրացուցիչ մեքենան 3 ժամից կհասնի Երևան։ Ավելի վաղ NEWS.am–ը հայտնել է, որ հունիսի 22–ին Մոսկվայից դուրս եկած հայկական ավտոբուսին գիշերվանից թույլ չեն տալիս հատել ռուս–վրացական սահմանը։

Մեր տեղեկություններով՝ հայկական «Ավազառ բուս» ուղեւորափոխադրող ընկերությանը պատկանող ամվտոբուսին Վերին Լարսի անցակետում կանգնեցրել են վրացի սահմանապահները։ Սահմանապահները հայ վարորդի մոտից կասկածելի իր են հայտնաբերել, ինչից հետո քաղաքացիներին իջեցրել են, իսկ ավտոբուսը տեղափոխել զննության։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ավտովթար Գեղարքունիքում. բախվել են ՍՊԸ-ի տնօրենի Mitcubishi Pajero-ն և հրուշակագործի Opel-ը. կա վիրավոր (ֆոտո)
Աղբյուրի տեղեկություններով, Օպելի վարորդ Դ. Դավթյանն ու հիվանդանոց տեղափոխված վիրավորը…
Պարզվել է «Մեգամոլ»-ի դիմաց վրաերթի հետեւանքով մահացածի եւ վիրավորի ինքնությունը. նրանք ամուսիններ են (ֆոտո)
Վարորդը տեղում ենթարկվել էր սթափության փորձաքննության. պարզվել էր, որ նա եղել էր սթափ...
Արմավիրի մարզում ուժեղ քամին և պտտահողմը տապալել են հաստաբուն ծառեր, էլեկտրասյուներ, վնասել ջերմոցներ
Այս պահին Գայ գյուղում գյուղացիներն ու գյուղապետը փորձում են մոտ 80 տարվա ուռենին…
Գոշավանք վանական համալիրի մոտ ավտոմեքենան գլխիվայր շրջվել է. 4 վիրավորներին դուրս են բերել
Դեպքի վայր է մեկնել ԱԻՆ ՓԾ Տավուշի մարզային փրկարարական վարչության հրշեջ-փրկարարական ջոկատից մեկ մարտական հաշվարկ...
Խոշոր հրդեհ Երեւանում. «1-ԲԻՍ» կանչով դեպքի վայր է մեկնել 4 մարտական հաշվարկ. Կրակը հաջողվել է մեկուսացնել
Այնուհետև հայտարարվել է հրդեհի բարդության «1-ԲԻՍ» կանչ...
Աճառյան փողոցում բախվել են «Օպելն» ու «Մերսեդեսը». վերջինիս 26-ամյա ուղեւորուհին հոսպիտալացվել է
Փրկարարները փակել են «Mercedes-Benz C-Class» մակնիշի ավտոմեքենայի գազի բալոնի փականը...