ՀՀ ԱՄՆ դեսպանության լրատվական ծառայությունից հայտնում են, որ ԱՄՆ դեսպանությունն հպարտ է, որ աջակցում է Հայաստանի հետ մշակութային փոխանակման մի շարք յուրօրինակ նախաձեռնությունների:
Դեսպանատան Facebook-ի էջում նշվում է. «ԱՄՆ դեսպանությունն հպարտ է, որ աջակցում է Հայաստանի հետ մշակութային փոխանակման մի շարք յուրօրինակ նախաձեռնությունների: Օրինակ՝ 2005թ.-ից դեսպանության Ամերիկյան կենտրոնն աջակցել է հայկական գրադարանների ու ԱՄՆ կոնգրեսի գրադարանի միջեւ իրականացվող գրքերի փոխանակման ծրագրին, եւ մենք ավելի քան 3740 անուն հայկական գրքեր ենք առաքել՝ հարստացնելու Կոնգրեսի գրադարանի հայկական հետազոտական հավաքածուն:
Իսկ այս վերջին երկու տարիներին Հայաստանի ակադեմիական գրադարանները, մասնավորապես՝ Հայաստանի ազգային գրադարանը, Հայաստանի գիտությունների ազգային ակադեմիայի Հիմնարար գիտական գրադարանն ու Երեւանի պետական համալսարանի գրադարանը Կոնգրեսի գրադարան են ուղարկել շուրջ 540 անուն գրքեր, տեսասկավառակներ եւ ամսագրեր:
Իսկ հայկական գրադարանները կարող են ստանալ գրքեր Կոնգրեսի գրադարանի գրափոխանակման շտեմարանից»: