News
Լրահոս
News
Երեքշաբթի
Հոկտեմբեր 15
USD
476.57
EUR
524.89
RUB
7.4
ME-USD
0.08
Տեսնել լրահոսը

Հուլիսի 9-ին AMX Հայաստանի ֆոնդային բորսայում տեղի է ունեցել 40 մլրդ ՀՀ դրամ ընդհանուր ծավալով պետական պարտատոմսերի տեղաբաշխման աճուրդ, որը 2007 թվականից ի վեր Հայաստանում պետական պարտատոմսերի ամենամեծ աճուրդն է։

AMGB1029A292 ծածկագրով պարտատոմսերի առաջնային տեղաբաշխման ժամանակ աճուրդի ենթակա պարտատոմսերի ծավալը եղել է 40 մլրդ դրամ, որն ամբողջությամբ բավարարվել է։ Ավելին, ներկայացված առաջարկությունների ընդհանուր ծավալը գերազանցել է 99 մլրդ դրամը, այսինքն պահանջարկը գերազանցել է առաջարկն ավելի քան երկու անգամ։ Աճուրդի միջին կշռված եկամտաբերությունը կազմել է 9․67%, իսկ պարտատոմսերը տեղաբաշխվել են 10 տարի մարման ժամկետով։

Նույն պարտատոմսերը (AMGB1029A292) մեկ օր անց տեղաբաշխվեցին լրացուցիչ աճուրդի միջոցով։ Աճուրդի ընթացքում բավարարված առաջարկությունների ծավալը կազմել է 7․93 մլրդ դրամ։ Տեղաբաշխման աճուրդի հարթակներից է եղել նաեւ gp.minfin.am համակարգը, որտեղ այս տեղաբաշխման շրջանակներում առցանց եղանակով գնվել է 896 մլն դրամին համարժեք պետական պարտատոմս։

Ներկայում Հայաստանի ֆոնդային բորսան ու ՀՀ ֆինանսների նախարարությունը հնարավորություն են տալիս Հայաստանի քաղաքացիներին առցանց գնել պետական պարտատոմսեր gp.minfin.am կայքի միջոցով։ 2018 թվականի հունվարից մայիս ընկած ժամանակահատվածի համեմատ  gp.minfin.am կայքով կատարված գործարքների քանակը 2019 թվականի նույն ժամանակահատվածի համեմատ աճել է 31%-ով, իսկ ընդհանուր ծավալը՝ 9․5%-ով, ինչը վկայում է պետական պարտատոմսերում ներդրումներ անելու հանդեպ հետաքրքրության աճի մասին։

Այս համակարգում պետական պարտատոմսերի առքն ու վաճառքը տեղի է ունենում Գանձապետական պահառուի միջոցով, ինչը հնարավորություն է տալիս պետական պարտատոմսեր գնել եւ վաճառել առանց միջնորդի։ Շնորհիվ ամբողջությամբ ավտոմատացված համակարգի՝ ներդրողը պարտատոմսի դիմաց վճարումն իրականացնում է անձամբ՝ իր բանկային քարտի միջոցով: Համակարգում գրանցումը եւ գործարքների կատարումն անվճար է. առկա է միայն դրամական միջոցների էլեկտրոնային փոխանցման միջնորդավճար:

GPminfin-ում հնարավոր է գրանցվել երկու եղանակներից մեկով՝ առցանց՝ ID քարտի միջոցով (GPminfin), կամ Երեւանում գտնվող մի շարք առեւտրային բանկերի մասնաճյուղերում տեղակայված սպասարկման կետերի միջոցով։

Տպել
Կարդացեք նաև
Ամբողջը
ՀՀ-ում կիրականացվի անշարժ գույքի կադաստրային արժեքի լուրջ վերահաշվարկ. Կադաստրի կոմիտե
Հայաստանում կկատարվի անշարժ գույքի կադաստրային արժեքի լուրջ վերահաշվարկ...
Դոլարի փոխարժեքն աճել է. եվրոն էժանացել է
Թանկարժեք մետաղների համար բանկի կողմից սահմանվել են հետեւյալ գները…
2020-ին հայտնի կդառնա՞ն Հայաստանի հանքերի բոլոր սեփականատերերը. քննարկում ԱԺ-ում
Նրա խոսքով՝ բոլոր ընկերությունները, որոնք մետաղական հանքեր են շահագործում, պարտավոր կլինեն բացահայտել ...
10 եւ ավելի աշխատակից ունեցող գործատուներն աշխատավարձ կվճարեն անկանխիկ եղանակով
Ընդ որում, նա նշեց, որ օրինագծում փոփոխություններ են կատարվել...
Անորոշությունը ցեմենտի շուկայում հանգեցրել է պահանջարկի կտրուկ ավելացման. փորձագետ
Ցեմենտի շուկայի անորոշությունը հանգեցրել է ցեմենտի պահանջարկի ավելացման...
Տնտեսական ցուցանիշները ՀՀ-ում չեն համապատասխանում հեղափոխությունից ակնկալիքներին. փորձագետ
Կառավարության տնտեսական քաղաքականությունը չի համապատասխանում տնտեսական հեղափոխությանը, ասել է Իշխան Կարապետյանը...
Ամենաշատ
Ֆոտոռեպորտաժներ