Դալաման-Լոնդոն չվերթից հեռացրել են երկու կանանց, որոնք բողոքել են ինքնաթիռում մահմեդականների ներկայության դեմ, հաղորդում է Fox News-ը:
Նշվում է, որ դեպքը տեղի է ունեցել ուրբաթ:
Ուղեւորներին, մասնավորապես, դուր չէր եկել ինքնաթիռում գտնվող տղամարդկանց ավանդական մահմեդական հանդերձանքը:
Ըստ վկաների ցուցմունքի՝ հատկապես առանձնացել էր ուղեւորներից մեկը՝ 30-ամյա կինը, որն անվանել էր ինքնաթիռի սրահում գտնվող մահմեդականներին «զզվելիներ եւ ահաբեկիչներ»:
Երկու կանայք հրաժարվել էին մնալ ինքնաթիռի մեջ, քանի դեռ սրահում գտնվում էին մահմեդականները:
Արդյունքում թռիչքը հետաձգվել էր 70 րոպեով, իսկ կանայք հեռացվել էին չվերթից:
Տեղի ունեցածն առաջացրել էր մնացած ուղեւորների զարյույթն ու վրդովմունքը, որոնք համարել էին, որ կանանց վարքագիծը ռասիստական եւ վիրավորական էր:
