News
Լրահոս
News
Շաբաթ
Օգոստոս 24
USD
475.99
EUR
526.4
RUB
7.25
ME-USD
0.13
Տեսնել լրահոսը

Մեզ անհրաժեշտ է լինել ոչ միայն տարածաշրջանի ամենամարտունակ, այլեւ տարածաշրջանի ամենաինտելեկտուալ բանակը: Այս մասին, այսօր՝ հուլիսի 19-ին, Արմավիրի զորամասում կուրսատների հետ հանդիպման ժամանակ նշեց ՀՀ վարչապետ Նիկոլ Փաշինյանը:

Նա իր խոսքում, դիմելով կուրսանտներին, մասնավորապես, նշեց. «Համոզված եմ ձեր ծնողները, հարազատները ձեզ ծառայության ճանապարհելուց առաջ հորդորներ են տվել, որոնցից կարեւորը եղել է պատվով ու լավ ծառայելը հայրենիքին:

Զինվորական ծառայությունը, զինվորական մասնագիտությունը ամենաինտելեկտուալ մասնագիտություններից մեկն է: Մենք երբեմն զինծառայությունն ընկալելով որպես համազգեստի, կոշիկի, սննդի, նյութատեխնիկական հարցերի համատեքստում, որը շատ կարեւոր է, քատ հաճախ չենք նկատում, որ զինվորական ծառայությունը, զինվորական գործը ամենաինտելեկտուալ գործերից մեկն է: Ես ուզում եմ ձեր ուշադրությունը հրավիրել դրա վրա:

Ընդհանրապես, ինչն է ժամկետային զինվորական ծառայության անցող զինվորի երկտարյա գործերից մեկը: Զինվորը  մտնում է ուսումնական զորամաս, զորամաս եւ ըստ էության, հիմնական բովանդակությունն այն է, որ նա սովորի զինվորական գործ:

Սա նշանակում է, որ բանակում դուք ստանում եք նոր գիտելիքներ, սովորում նոր հմտություններ, որոնք մեծ հաշվով ձեռզ ամբողջ կյանքում կարող են ուղեկցել՝ անկախ նրանից հետո զինվորական գործով կզբաղվեք, թե ոչ:

Զինվորի ծառայության ժամկետը ինչ-որ առումով նաեւ ուսումնառության ժամկետ է: Կառավարության առաջնահերություններից մեկն այն է, որ այդ շրջանը մաքսիմալ արդյունավետ օգտգործենք, որ զինվորը բանակից զորացրվելիս լինի շատ ավելի բարձր ինտելեկտուալ մակարդակում, քան եղել է մինչեւ այդ»:

Փաշինյանը կոչ արեց ուսումնական զորամասում ծառայելու առիթը բաց չթողնել. «Հարստացրեք ինքներդ ձեզ գիտելիքներով: Փորձեք հասկանալ, թե ինչ է զինվորական գործը: Սա շանս է սովորել, թե ինչ է մարտավարությունը, ինչ է ռազմավարությունը: Իսկ ռազմավարական կամ մարտավարական մտածողությունը միայն զինվորական գործում կիրառվող հմտություն չէ: Զինծառայության ընթացքում ձեռք բերած հմտությունները ձեզ պիտի կարողանան օգնել ողջ կյանի ընթացքում: Հետեւաբար մեր հիմնական խնդիրն է, որ այդ հմտությունները ձեզ ամբողջ կյանքում ուղեկցի:

Հայոց բանակն այն հիմնական տեղն է, որտեղ ՀՀ քաղաքացիներին սովորեցնում են հաղթելու արվեստը, հաղթելու հմտությունը: Ես համոզված եմ, որ ձեզնից յուրաքանչյուրի մեջ կա հաղթելու տաղանդը:

Հայաստանի բանակը պետք է լինի տարածաշրջանի ամենամարտունակ բանակը, բայց այդ խնդիրը լուծելու համար ճանապարհը այն է, որ Հայոց բանակը պետք է լինի տարածաշրջանի ամենաինտելեկտուալ բանակը: Իսկ դրա համար պետք է Հայաստանի հանրությունը լինի տարածաշրջանի ամենաինտելեկտուալ հանրությունը, ՀՀ-ն պետք է լինի տարածաշրջանի ամենաինտելեկտուալ պետությունը:

Հայրենիքին ծառայությունը ընդամենը երկու տարով ժամկետային զինծառայությունը չէ: Մեզնից յուրաքանչյուրը նորովի է իմաստավորում կյանքը, երբ ծառայում է հայրենիքին՝ անկախ նրանից ժամկետային զինծառայող է, սպա է, նախարար է, գեներալ է, լրագրող է, վարչապետ է, գործարար է, բանվոր է: Չկա ավելի մեծ առաքելություն, քան հայրենիքին ծառայելու առաքելությունը, եւ չկա ավելի մեծ բերկրանք, քան հայրենիքի դրոշի ներքո կրած հաղթանակի բերկրանքը:

Ես տեսնում եմ, որ դուք հաղթող եք, հպարտ եք, դուխով եք, ուժեղ եք եւ դուք զինվոր եք»,- իր խոսքն ամփոփեց վարչապետը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հաստատվեց զինծառայողների՝ բնակարան ձեռք բերելու պետական աջակցության ծրագիրը. Կանխավճարը կտա պետությունը
Կառուցապատողից բնականար ձեռք բերելու դեպքում՝ վարկի տոկոսը կազմելու է 7 տոկոս, որի 3 տոկոսը սուբսիդավորվում է պետության կողմից, իսկ մնացած 4 տոկոսը հետ է վերադարձվում իր վճարած եկամտային հարկի հաշվին...
Հավելյալ 2.1 մլրդ դրամ կտրվի մարտական դիրքերը խմելու հոսող ջրով ապահովելու համար․ վարչապետ
Ուրախ եմ տեղեկացնել, որ ՀՀ կառավարությունը...
Պարբերաբար նման խանութների գործունեությունը ստուգվում է. Արծրուն Հովհաննիսյան
Մամուլում բարձրացված հարցերից մեկին ի պատասխան նշենք, որ ՀՀ ՊՆ-ը Զինառի գործունեությունը համակարգում է...
Զորակոչի հետ կապված բողոքների կտրուկ նվազում ունենք. ՊՆ փոխնախարար
Դա աննախադեպ արդյունք է...
«Սիմվոլիկ ավելացում». Ժամկետային զինծառայողների դրամական ապահովության ամսական չափը կավելացվի 2000 և 1000 դրամով
Կարծում եմ, շատ սիմվոլիկ ու կարեւոր քայլ է, արձանագրենք, որ գումարները բացարձակ մեծ չեն…
Ենթասպայի դին հայտնաբերվել է ծառից կախված. դեպքի առթիվ նյութեր են նախապատրաստվում. ՔԿ
Ձեռնարկվում են անհրաժեշտ գործողություններ՝ դեպքի բազմակողմանի, լրիվ եւ օբյեկտիվ հետազոտումն ապահովելու ուղղությամբ...
Ամենաշատ
Ֆոտոռեպորտաժներ