Մոսկվան եւ Անկարան Թուրքիայում Ս-400-երի տարրերի լիցենզավորված արտադրության շուրջ բանակցություններ են վարում: Այս մասին հայտարարել է «Ռոսօբորոնէքսպորտ»-ի գործադիր տնօրեն Ալեքսանդր Միխեեւը, հաղորդում է «ՌԻԱ Նովոստի»-ն:
«Այժմ այդ հարցով համագործակցության շարունակման շուրջ բանակցություններ են ընթանում»,- ասել է նա:
Թուրքիային Ս-400 զենիթահրթիռային համակարգերի մատակարարման մասին պայմանագիր էր կնքվել Մոսկվայում 2017թ. ապրիլին: Այն ՆԱՏՕ-ի անդամ երկրի կողմից ընկերության հետ կնքած ամենախոշոր պայմանագիրն է:
Պայմանագրի համաձայն՝ Ռուսաստանը մոտ 2,5 մլրդ դոլարի չափով 4 Ս-400 համակարգեր կմատակարարի Թուրքիային:
