ԱՄՆ նախագահ Դոնալդ Թրամփը ուղերձ է հղել Էր Ռիադին այն մասին, որ Վաշինգտոնն աջակցում է իրեն, իսկ Սաուդյան Արաբիան «լավ դաշնակից է ամերիկացիների անվտանգությունն ապահովման գործում»: Սա էր նրա ուղերձը: Այս մասին Fox News-ին տված հարցազրույցում ասել է ԱՄՆ պետքարտուղար Մայք Պոմպեոն՝ մեկնաբանելով Սաուդյան Արաբիային զենքի վաճառքն արգելող օրինագծին վետո դնելու մասին Թրամփի որոշումը:
Ըստ նրա, Թրամփը չափազանց հստակ էր: «Իրանի Իսլամական Հանրապետությունը իսկական սպառնալիք է, եւ սաուդցիները գործընկերներ են նրա դեմ դիմակայության հարցում: Մենք կշարունակենք անել ամեն ինչ նրանց հետ համագործակցելու համար»:
Ինչ վերաբերում է սաուդցի լրագրող Ջամալ Խաշոգջիի սպանությանը «վարչակազմը միջոցներ է ձեռնարկել»: «Մենք արձագանքեցինք ավելի քան մեկ տասնյակ պատժամիջոցներով, վիզայի սահմանափակումներով: Մենք լուրջ քայլեր ենք ձեռնարկել: Մենք խոստացել էինք, որ հետաքննության շարունակմանը զուգընթաց քայլեր ենք ձեռնարկելու», - ասել է նա:
