News
Լրահոս
News
Կիրակի
Սեպտեմբեր 15
USD
476.18
EUR
528.61
RUB
7.41
ME-USD
0.1
Տեսնել լրահոսը

ՀՀ քննչական կոմիտեի նախագահ Հայկ Գրիգորյանը Ռուսաստանի Դաշնության Կրասնոյարսկ քաղաքում մի շարք հանդիպումներ է ունեցել Ռուսաստանի Դաշնության իրավապահ մարմինների ներկայացուցիչների հետ: Այս մասին NEWS.am-ին հայտնում են ՀՀ քննչական կոմիտեի տեղեկատվության եւ հասարակայնության հետ կապերի բաժնից։

Մասնավորապես՝ ՔԿ նախագահը հանդիպել է Կրասնոյարսկի մարզի մարզպետ Ալեքսանդր Ուսի, Կրասնոյարսկի մարզում գլխավոր դաշնային տեսուչ Սերգեյ Բլինովի, ՌԴ ՆԳՆ Կրասնոյարսկի մարզի գլխավոր վարչության պետ, գեներալ լեյտենանտ Ալեքսանդր Ռեչիցկիի, ՌԴ ՆԳՆ Սիբիրի իրավաբանական ինստիտուտի պետի պաշտոնակատար Ալեքսեյ Կալուգինի եւ Սիբիրի դաշնային համալսարանի ռեկտոր Սվետլանա Բասալեւայի հետ:

Կրասնոյարսկի մարզի մարզպետ Ալեքսանդր Ուսի հրավերով Հայկ Գրիգորյանը հանդիպում է ունեցել Սիբիրի դաշնային համալսարանի ուսանողների հետ:

Հանդիպման ընթացքում ուսանողներին է ներկայացվել զինված ընդհարման ժամանակ հակամարտող կողմերի ռազմաքաղաքական ղեկավարությանը պատերազմական հանցագործություններ կատարելու համար պատասխանատվության ենթարկելու հարցում «համատեղ հանցավոր գործողությունների» դոկտրինի դերն ու նշանակությունը:

Ուսանողները հնարավորություն են ունեցել իրենց հետաքրքրող հարցերն ուղղել ՀՀ ՔԿ նախագահին: Վերջիններս, ի թիվս այլ հարցերի, հետաքրքրվել են Հայաստանում կոռուպցիայի դեմ պայքարի արդյունավետ միջոցների կիրառման, այլ երկրների քննչական կոմիտեների հետ համագործակցության, ինչպես նաեւ՝ ՀՀ ՔԿ ծառայողների սոցիալական երաշխիքների մասին:

Քննչական կոմիտեի նախագահ Հայկ Գրիգորյանը սպառիչ պատասխաններ է տվել ուսանողների հարցերին, միեւնույն ժամանակ ներկայացրել իր ղեկավարած գերատեսչության աշխատանքներն ավելի արդյունավետ դարձնելու տեսլականը:

Հանդիպման ավարտին Հայկ Գրիգորյանը պատասխանել է ԶԼՄ ներկայացուցիչների հարցերին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նիկոլ Փաշինյանը շնորհավորել է Դմիտրի Մեդվեդևին՝ ծննդյան օրվա առթիվ
Պետական բարձրագույն պաշտոններում Ձեր բազմամյա գործունեությունը մեծ հարգանք է վայելում ողջ աշխարհում…
Նախքան ֆիզիկական հայրենադարձությունը՝ պետք է հոգեբանորեն հասնել հայրենադարձության. Սինանյանը՝ Պետերբուրգում
Զարեհ Սինանյանը հանդիպել է Սանկտ Պետերբուրգի հայ համայնքի հետ…
«Հրապարակ». Բոլթոնը գնում է, Պուտինը կգա. հնարավոր է այդ նիստն անցկացվի Գյումրիում
Այն կանխորոշիչ կլինի՞ ապագա հանդիպումների համար...
Շիշկինին քաղաքական ապաստան տրամադրելու առնչությամբ որեւէ պաշտոնական արձագանք չի եղել. ՀՀ-ում ՌԴ դեսպան
Իսկ ինչպե՞ս դա պետք է ընդունեին Մոսկվայում...
Պետք է սպասել. ՀՀ-ում ՌԴ դեսպանը՝ Պուտինի ՀՀ այցի մասին
Իսկ դուք այլ տեղեկություն ունե՞ք: Ես այլ տեղեկություն չունեմ...
Միհրան Պողոսյանի մասին տեղեկություն չունեմ. ՀՀ-ում ՌԴ դեսպան
Իմ տեղեկություններով՝ խոսքն անհրաժեշտ փաստաթղթերի տրամադրման իրավական ընթացակարգի մասին է...