![](img/news/05/26/32/default.jpg)
ԵԽԽՎ` Հայաստանի հարցով համազեկուցողներ Ջոն Պրեսկոտն ու Աքսել Ֆիշերը մարտի 23-ի իրենց հայտարարության մեջ ձեւակերպել են Հայաստան կատարած այցի արդյունքները: Այցի վերաբերյալ զեկույցը կներկայացվի աշնանային նստաշրջանում:
NEWS.am-ի թղթակցի հետ զրույցում խորհրդարանի եվրաինտեգրման հարցերով հանձնաժողովի նախագահ Նաիրա Զոհրաբյանը նշել է, որ երբ ներկայացվի զեկույցը, գնահատականներն ու եզրակացությունները որպես մեկ ամբողջություն, ԵԽԽՎ-ում հայկական պատվիրակության անդամները կհրապարակեն իրենց տեսակետները: Նա նշել է, որ խորհրդարանական ժամանակավոր հանձնաժողովը եւս անդարդարձել է 2008թ. մարտի 1-ի 10 զոհերի մահվան հանգամանքներին` նկատելով, որ խնդիրը դեռ բաց է մնում, եւ կոչ է արել Հատուկ քննչական ծառայությանը նոր փաստերի դեպքում կրկին զբաղվել այդ մարդկանց սպանության բացահայտման գործով:
Պատգամավորը հայտարարել է, թե ԵԽԽՎ-ի մտահոգությունների մի մասն արձանագրված է 2008թ. կոալիցիոն հուշագրում եւ լուծվելու են որպես գերակա հարց: «Ես բամիցս ասել եմ, որ ժողովրդավարությունը համակարգչային ծրագիր չէ, որը կարելի է ներբեռնել եւ անմիջապես կաշխատի: Հարկավոր է ժամանակ եւ քաղաքական կամք: Մի բան ակնհայտ է, որ իշխանություններն այսօր ունեն այդ կամքը»,- ասել է պատգամավորը: