Օգոստոսի 6-ի առավոտյան «Ֆրանցիսկո» թայֆունը հարվածելու է ճապոնական Կյուսու կղզուն, իսկ «Լեկիմա» թայֆունը շաբաթվա երկրորդ կեսին կհայտնվի Թայվանում, հայտնում է «Պրիմհիդրոմետը», հաղորդում է «ՌԻԱ Նովոստին»:
Ավելի վաղ փրկարարները զգուշացրել էին «Ֆրանցիսկո» թայֆունի մոտենալու մասին, որը օգոստոսի 8-ին տարածաշրջան կբերի հորդառատ անձրեւ եւ փոթորկային քամի:
«Խաղաղ օվկիանոսում թայֆունի ակտիվ գործունեությունը շարունակվում է: Ներկայումս նրա ջրային տարածքում մոլեգնում է արևադարձային երկու մրրիկ: Թվով 8-րդ-ը՝ «Ֆրանցիսկոն» հարվածելու է Կյուսու կղզուն: Այնուհետև այն կտեղափոխվի դեպի հյուսիս-արևմուտք և մեկ օր հետո դուրս կգա Կորեական թերակղզի: Այստեղ մրրիկը կշրջվի հյուսիս-արեւելք եւ օգոստոսի 8-ին կհայտնվի Ճպոնական կղզում, այնուհետ կտեղաշարժվի նրա ջրային տարածքում», - նշվում է հաղորդագրությունում:
Այնուհետ օդերեւութաբաններն առաջարկում են երկու սցնար. ըստ առաջին տարբերակի օգոստոսի 8-ին մրրիկը դուրս կգա Պրիմորսկի երկրամաս, իսկ մյուսով՝ կանցնի ափի մոտակայքով եւ կհեռանա Հոկյադո կղզու ուղղությամբ: Երկու դեպքում էլ օգոստոսի 8-9-ը Պրիմորսկի երկրամասում անձրեւներ կտեղան:
Թվով 9-րդ արեւադարձային փոթորիկ «Լեկիման » շարժվում է արեւմտյան, հյուսիսարեւմտյան ուղղությամբ `ժամում շուրջ 16 կիլոմետր արագությամբ:
Ֆիլիպինյան ծովի արեւելքում առաջիկա երկու օրերին, հավանաբար, նոր արեւադարձային դեպրեսիա կառաջանա, ըստ օդերեւութաբանների, այն կշարժվի դեպի հյուսիս: Ակտիվորեն խորանալով՝ հաջորդ շաբաթվա սկզբին մրրիկը կհարվածի Ճապոնիային: Այստեղ թայֆունը կշարժվի դեպի հյուսիս-արեւելք եւ կանցի կղզիների վրայով, կհեռանա դեպի Խաղաղ օվկիանոս: Պրիմորսկի երկրամասի վրա այն չի ազդի: