Eset-ի մասնագետները բացահայտել են կիբերհարձակումը, որն իրականացվել է պոռնո կայքերի այցելուների վրա, հաղորդում է RNS-ը՝ հղում անելով հակավիրուսային ընկերության մամուլի ծառայության վրա:

«Eset միջազգային հակավիրուսային ընկերությունը բացահայտել է նոր կիբերհարձակում, որի թիրախում են հայտնվել «մեծահասակների» կոնտենտի սպառողները: Վնասակար Varenyky ծրագրային ապահովումը կարող է կիրառվել սմապ ուղարկելու, լոգինների եւ գաղտնաբառերի գողության, ինչպես նաեւ պոռնոկոնտենտի դիտման ժամանակ օգտատերերի էկրանի ձայնագրության համար»,- նշել են մամուլի ծառայությունում:

Նշվում է, որ օգտատերերին էլեկտրոնային նամակ է գալիս, որում կցված է վնասակար ծրագրային ապահովումը: Նամակը բացելուց հետո հաքերները հասանելիություն են ստանում օգտատերերի համակարգչին: Բացի այդ, վնասակար ծրագրային ապահովումը սկանավորում է զոհի սարքը: Այդպիսով, ինչպես նշում են փորձագետները, չարագործները կարող են շանտաժի ենթարկել պոռնո կայքերի այցելուներին:

«Ներթափանցելով համակարգ՝ Varenyky-ն թողարկում է Tor-ը С&C սերվերով անանուն կոնտենտի համար: Ապա վնասակար ծրագրային ապահովումը բացված հավելվածներում եւ պատուհաններում փնտրում է առանցքային բառեր՝ կապված պոռնոգրաֆիայի հետ: Հայտնաբերելով այդ բառերը՝ Varenyky-ն սկսում է էկրանի ձայնագրումը, որից հետո ուղարկում է չարագործների սերվերին»,- եզրափակել են հակավիրուսային ընկերության մամուլի ծառայությունում: 

Eset-ի հեռուստաչափման համակարգի համաձայն՝ այդ վնասակար ծրագրային ապահովման առաջին ակտիվությունը նկատվել է այս տարվա մայիսին: