Օգոստոսի 15-ից Ucom-ում գործում է «Նոր սմարթֆոն, նոր հույզեր» առաջարկը։ Նոր ուսումնական տարվա նախաշեմին, մինչեւ սեպտեմբերի 30-ը Ucom կանխավճարային, հետվճարային` Ունիվերսալ կամ Ունիվերսալ Պլյուս սակագնային պլանների նոր եւ ներկայիս բաժանորդները կկարողնան գնել 2019 թվականի թողարկության Xiaomi Redmi 7A սմարթֆոնն ընդամենը 49 500 դրամով եւ ստանալ 60 ԳԲ ինտերնետ 6 ամսվա համար առանց որեւէ պարտավորության:
«Այս նորագույն սմարթֆոնն ունի 12 ՄՊ հզորությամբ ֆոտոխցիկ, Qualcomm ® Snapdragon™ 439 պրոցեսոր, 16 ԳԲ ներքին հիշողություն եւ օգտատիրոջ դեմքի ուրվագծերով սմարթֆոնի ապաբլոկավորման հնարավորություն։ Ուսանողները վստահաբար բարձր կգնահատեն դրա առավելությունները, փայլուն որակն ու մատչելի գինը։ Եվ որ ամենակարեւորն է, գնորդներն առանց որեւէ պարտավորության կվայելեն Ucom-ի 4G+ գերարագ ինտերնետի 60 ԳԲ-երը 6 ամսվա ընթացքում»,- նշել է Ucom ընկերության համահիմնադիր եւ գլխավոր տնօրեն Հայկ Եսայանը։
Դրանից բացի, մինչեւ սեպտեմբերի 30-ը միայն Ucom-ում կա բացառիկ հնարավորություն ձեռք բերելու նաեւ Samsung Galaxy A20e սմարթֆոնն ընդամենը 86 900 դրամով եւ ստանալ 60 ԳԲ գերարագ ինտերնետ 6 ամսվա համար առանց որեւէ պարտավորության: Samsung Galaxy A20e սմարթֆոնն ունի ուլտրալայն 123-աստիճանանոց ֆոտոխցիկ, ընդլայնված իրականության տեխնոլոգիայով ստեղծված պիտակներ՝ լուսանկարվելուց պատկերի վրա ավելացնելու համար, ինչպես նաեւ մինչեւ 61 ժամ երաժշտություն լսելու հնարավորություն։ Սմարթֆոնները կարելի է ձեռք բերել ինչպես կանխիկ, այնպես էլ ապառիկ:
Ցանկացած այլ սմարթֆոն ձեռք բերելու դեպքում Ucom կանխավճարային, հետվճարային` Ունիվերսալ կամ Ունիվերսալ Պլյուս սակագնային պլանների նոր եւ առկա բաժանորդները կստանան 20 ԳԲ ինտերնետ 6 ամսվա համար:
