News
Լրահոս
News
Ուրբաթ
Հունիս 18
Տեսնել լրահոսը

Փոխվարչապետ Մհեր Գրիգորյանն ընդունել է Արժույթի միջազգային հիմնադրամի Մերձավոր Արեւելքի եւ Կենտրոնական Ասիայի տարածաշրջանային տնօրեն Ջիհադ Ազուրին: Հանդիպմանը ներկա էին նաեւ Ֆինանսների նախարար Ատոմ Ջանջուղազյանը, Կենտրոնական բանկի նախագահի տեղակալ Ներսես Երիցյանը եւ Հայաստանում ԱՄՀ մշտական ներկայացուցիչ Յուլյա Ուստյուգովան:

Ողջունելով հյուրերին՝ փոխվարչապետ Մհեր Գրիգորյանը բարձր է գնահատել ԱՄՀ-ի հետ ձեւավորված համագործակցության մակարդակը եւ կարեւորել Հիմնադրամի կողմից իրականացվող վերլուծություններն ու աջակցությունը: Փոխվարչապետը ընդգծել է, որ ԱՄՀ-ի հետ համագործակցության ծրագրում ներառված են բոլոր արդիական խնդիրները եւ հավաստիացրել, որ «Տնտեսական եւ ֆինանսական քաղաքականությունների» հուշագիրը գտնվում է Կառավարության ուշադրության կենտրոնում, իսկ ձեռք բերված պայմանավորվածություններն իրականացվում են ժամանակացույցին համաձայն:

ԱՄՀ տարածաշրջանային տնօրեն Ջիհադ Ազուրը շնորհակալություն է հայտնել ընդունելության համար եւ հայտնել ԱՄՀ պատրաստակամությունը աջակցելու Հայաստանին բարեփոխումների իրականացման գործընթացում՝ հաշվի առնելով ԱՄՀ կուտակած փորձն ու գիտելիքները:

Մհեր Գրիգորյանն ու Ջիհադ Ազուրը քննարկել են բարեփոխումների երեք կարեւոր ուղղությունները՝ հարկային վարչարարության բարեփոխումները, կոռուպցիայի դեմ պայքարը եւ պետություն-մասնավոր գործընկերության զարգացումը՝ անդրադառնալով յուրաքանչյուր ուղղության հիմնական նպատակներին եւ իրականացման միջոցներին:

Զրուցակիցները մտքեր են փոխանակել նաեւ երկարաժամկետ ռազմավարությունների մշակման եւ տարածաշրջանային ծրագրերի իրականացման կարեւորության շուրջ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կառավարությունը ներեց «Ավելիաց» ՍՊԸ-ի 48,8 մլն դրամի պարտքը. Ինչ է տեղի ունեցել
Կոմիտեի կողմից սույն նախագծով առաջարկվում է ներել Շրջանցիկ թունել, փողոց թիվ 52/1 հասցեում գտնվող գույքի օտարման արդյունքում...
ՊԵԿ-ում ստորագրվել է փոխըմբռնման հուշագիր՝ Բեռնարկղերի վերահսկողության ծրագրի շրջանակում
ՊԵԿ նախագահ Էդվարդ Հովհաննիսյանը նշել է, որ փոխըմբռնման հուշագրով...
Դոլարի փոխարժեքը շարունակում է նվազել. եվրոն էժանացել է մոտ 10 դրամով
Թանկարժեք մետաղների համար բանկի կողմից սահմանվել են հետեւյալ գները...
«Արմենիա» ավիաընկերությունը մշտական չվերթներ է սկսում Երեւանից Բաթումի
Շաբաթական մեկ չվերթ կլինի մինչեւ հունիսի 22-ը...
Անհայրենիքները եկան իշխանության ամեն 4-րդ քաղաքացին էր աղքատ, հեռանում են՝ ամեն 3-րդն է աղքատ. ՀՅԴ-ական տնտեսագետ
Նախորդ մեկուկես տարում սննդամթերքի միջին գներն աճել են շուրջ 15 տոկոսով, իսկ առաջին անհրաժեշտության սննդամթերքի միջին...
«Ձեւական աճուրդներ». ՀՀ ՔՏՀԱ տեսչական մարմինը Մեղրիում հայտնաբերված խախտումների հիմքով դիմել է դատախազություն
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի 11.05.2021թ. NԿ269-Ա և 17.05.2021թ. NԿ289-Ա հրամաններով...
Ամենաշատ