Ամերիկյան բանակի 244-ամյա պատմության մեջ առաջին անգամ 2 քույրեր՝ Մարիա Բարեթն ու Փոլա Լոդին, գեներալ են դարձել, հաղորդում է «ՌԻԱ Նովոստի»-ն՝ հղում անելով USA Today-ին:
Բարեթը գեներալ-մայորի կոչում է ստացել, իսկ Լոդին՝ բրիգադային գեներալի:
Ավելի վաղ այդ կոչմանն արժանացել են հայրեր եւ որդիներ, ինչպես նաեւ ամուսիններ:
Պարբերականը գրում է, որ կանայք մինչեւ 1901 թվականը չէին կարող համալրել ամերիկյան բանակի շարքերը: Այժմ ԱՄՆ զինված ուժերում 417 գեներալներից 69-ը կանայք են:
