News
Լրահոս
News
Կիրակի
Մայիս 16
USD
522.48
EUR
632.67
RUB
7.06
ME-USD
0
Տեսնել լրահոսը


Այս պահին որոշումն այնպիսին է, որ Ամուլսարի հանքի շինարարական աշխատանքները չպետք է խոչընդոտվեն: Այս մասին այսօր՝ սեպտեմբերի 9-ին, ԱԺ-ում լրագրողների հետ զրույցում նշեց ԱԺ «Իմ քայլը» խմբակցության պատգամավոր Բաբկեն Թունյանը:

«Եթե պետք է հանքը փակվեր, դրա համար պետք է լինեին իրավական հիմքեր: Վարչապետն ասաց, որ իրավական հիմքեր չկան: Եթե առաջիկա մեկ տարում նման իրավական հիմքեր ի հայտ գան, կարող է հանքը փակվել, բայց եթե առանց այդ հիմքի թողնում եք, որ ընկերության աշխատանքը կազմաքանդվի, դա անընդունելի է, որով Հայաստանը կհամարվի կասկածելի ու անվստահելի գործընկեր»,-հայտարարեց Թունյանը:

Նա հուսյ հայտնեց, որ դեպի հանք տանող ճանապարհները բացելու համար ոստիկանության միջամտության կարիքը չի լինի. «Որովհետեւ մեր հասարակությունը կարող այդ հարցում գիտակցված որոշում կայացնել»:

«Հիմա ռիսկը այդ ընկերության վրա է, ինքը այդ մեկ տարում շինարարական ծախսերը կատարելու է, հետո պարզվի, որ խախտումներ կան, այդ ռիսկն իր վրա է, ոչ ոք չի փոխհատուցելու այն»,-ասաց նա:

Հիշեցմանը, որ «Էլարդը» նշել էր, որ կա լրացուցիչ ՇՄԱԳ-ի անհրաժեշտություն, «Իմ քայլի» պատգամավորն արձագանքեց, որ «Էլարդը» ներկայացնում է գիտական եզրակացություն, իսկ որոշումը պետք է կայացնի ՀՀ կառավարությունը:

Ինչ վերաբերում է վարչապետի հայտարարությանը, որ բնապահպանության տեսչական մարմինը ստուգումներ է իրականացնելու, արդյոք սա նշանակում է, որ «Էլարդի» փորձաքննությանը մենք չենք վստահում, Թունյանը պատասխանեց. «Էլարդի» եզրակացությունը տվել է լրացուցիչ գործիքներ, որպեսզի կառավարությունը դրանց վրա ուշադրություն դարձնի: Բացի դրանից, այս մեկ տարվա ընթացքում բնապահպանական տեսչությունը տեղում դաշտային ստուգումներ էլ է իրականացնելու: Եթե որեւէ անթույլատրելի բան կլինի, ես համոզված եմ, որ կառավարությունը չի գնա ՀՀ բնությունը վտանգելու ճանապարհով:

Նոր ՇՄԱԳ անցկացնելու համար պետք է գործող ՇՄԱԳ-ը չեղյալ հայտարարվի, իսկ դրա համար հիմքեր չկան: Եթե դու քո օրենքներին, միջազգային պայմանագրերին հակասող որեւէ քայլ ես անում, դա կարող է անշրջելի հետեւանքներ ունենալ բոլոր առումներով, ընդհուպ մինչեւ դեֆոլտ: Եթե մենք առանց իրավական հիմքի նման որոշում ենք կայացնում, դա կարող է Հայաստանն ուղղակի տանել դեֆոլտի:

Արբիտրաժը այդ հնարավոր ռիսկերից մեկն է: Այնտեղ կա արտաքին պարտքի հետ կապված ռիսկ, կա ներդրողների մոտ վստահության ռիսկ: Եթե այդ ամենը գումարում ենք իրար, պարզվում է, որ մենք որպես երկիր շատ դժվար է լինելու այդ ամենին դիմակայելը: Մարդիկ հիմա ասում են՝ ցույց տվեք ՀՀ օրենսդրության այն կետը, որը մենք խախտել ենք»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նախարարի պատասխաններն Ամուլսարի խնդրի շուրջ հարցադրումներին․ ՀԲՃ
Նախարարն ի պաշտոնե և մասնագիտությամբ որպես երկրաբան փուլ առ փուլ ուսումնասիրում է «ԷԼԱՐԴ»-«ԹիԱրՍի» ընկերությունների...
Նախարարությունը կրկին մերժել է Լիդիանի ջրօգտագործման հայտը․ ՀԲՃ
Շրջակա միջավայրի նախարարությունից 2021թ-ի մարտի 24-ին Հայկական բնապահպանական ճակատ կամավորական նախաձեռնությանը (ՀԲՃ) նամակով...
Այս պահի դրությամբ Ամուլսարի շահագործման վերաբերյալ որևէ որոշում ֆիքսված չէ. Ռոմանոս Պետրոսյան
Ես հենվելու եմ քրեական գործի վարույթով բացված հնարավոր ապօրինությունների, առերևույթ խախտումների վրա, որոնցով էլ կպայմանավորեմ իմ հետագա...
Ամուլսարը սար է մնալու. հորդորում ենք որոշում կայացնողներին զերծ մնալ նոր արկածախնդրությունների գնալուց.Հայտարարություն
Ջերմուկի բնակիչ՝ Ամուլսարի պահապանների հայտարարությունը…
Ամուլսարը չի շահագործվելու, այս խառը ժամանակներում թող որոշումներ չընդունեն. Նազելի Վարդանյան
Եթե Կառավարությունը նման որոշում կայացնի՝ այն ոչ հեռատես կլինի, մանավանդ հետպատերազմյան շրջանում...
Պետք է համախմբվենք Ամուլսարի փրկության շուրջ, այստեղ որոշվում է Հայաստանի հետագա ընթացքն ու ճակատագիրը. Շիրակ Բունիաթյան
Տղերքի զոհվելն իմաստ կունենա միայն այն դեպքում, երբ մենք մի կողմ թողնելով դժվարությունները, շարունակենք ապրել մեր…
Ամենաշատ