«Ով կմտածեր, որ ժամանակին մեր քաղաքական գործիչներից մեկի` «Թեկուզ պոլի փետ լինի, միայն թե ՀՀՇ-ական լինի» արտահայտությունը կդառնա ոչ միայն ներքաղաքական իրավիճակը բնորոշող թեւավոր խոսք, այլեւ հաջորդ իշխանությունների համար` կարգախոս-ուղեգիծ:
«Հանրապետկանացման» հերթը հասել է հանրակրթությանը: Գեղարքունիքի մարզի, մասնավորապես`Մարտունու որոշ դպրոցների մի շարք ուսուցիչներ, խնդրելով գաղտնի պահել իրենց ինքնությունն ու աշխատավայրը, «Երկիր»-ին վրդովված ու մտահոգված պատմեցին պարտադրված կուսակցականացման մասին: Նրանց խոսքերով` որոշ դպրոցների տնօրենների հրահանգված է ուսուցիչներով համալրել ՀՀԿ-ի շարքերը: Եթե խնդրեին կամ առաջարկեին` ոչինչ, տանելի կլիներ, բայց նաեւ սպառնում են»,-ասաց ուսուցիչներից մեկը: Ի դեպ, կուսակցության շարքերը համալրելու մոլուցքով տարված` տնօրենները քաղաքական ակտիվ դաշտ են բերում նաեւ դպրոցների տարեց հավաքարարներին»,-գրում է «Երկիրը»: