News
Լրահոս
News
Ուրբաթ
Դեկտեմբեր 03
Տեսնել լրահոսը

Լոս Անջելեսում 83 տարեկանում մահացել է սցենարիստ Մարդիկ Մարտինը: Նա հայտնի է ռեժիսոր Մարտին Սկորսեզեի հետ բազմամյա համագործակցությամբ, հաղորդում է Buro 24/7-ը:

Մարտինը գրել է նրա՝ «Ո՞վ է թակում դուռս», «Չար փողոցները», «Նյու Յորք, Նյու Յորք», «Վերջին վալսը» եւ «Կատաղած ցուլ» կինոնկարների սցենարները: Սցենարիստի վերջին խոշոր աշխատանքն էր 2014 թվականին թողարկված Ֆաթիհ Աքինի «Սպի» ֆիլմը:

«Թվիթերում» Մարդիկ Մարտինի մահվան մասին հայտնել է Սցենարիստների գիլդիայի բաժանմունքներից մեկի նախկին ղեկավար Հովարդ Ռոդմանը:

Մարդիկ Մարտինը ծնվել է 1936 թվականին հայերի ընտանիքում Իրանում, որտեղ նրա ծնունդով Վանից ծնողները տեղափոխվել էին Հայոց ցեղասպանությունից փրկվելու նպատակով։ Սակայն Մարդիկը մեծացել է Իրաքում։

Դեռեւս մանուկ հասակում Մարդիկ Մարտինը սիրել է կինոն, հաճախ ընկերների հետ հաճախել է բացօթյա կինոթատրոն։ Կինոն դարձել է Մարդիկի երազանքը, իսկ դրա իրականացմանն ուղղված առաջին քայլը առաքիչի պաշտոնն էր Metro-Goldwyn-Mayer ստուդիայի Բաղդադի մատակարարման բաժնում։ Երիտասարդության տարիներին Մարտինը մեկնել է ԱՄՆ։ Նյու Յորքում ընդունվելով բիզնես դպրոց՝ նա սկսել է ուսումնասիրել բանկային գործը։ Զուգահեռաբար Մարդիկն աշխատել է որպես բարմեն տեղի ռեստորաններից մեկում։ Մի օր նրա ընկերներից մեկը պատմել է, որ Նյու Յորքի համալսարանում հայտարարվել է ընդունելության մրցույթ կինոյի եւ գովազդի ֆակուլտետում։ Այդ հնարավորությունը նա չէր կարող բաց թողնել։

Մարդիկ Մարտինը որոշեց հեռանալ, փայլուն արդյունք ցուցաբերեց մրցույթի ժամանակ եւ ընդունվեց երկրի առաջատար համալսարաններից մեկը։ Սցենարիստի դասընթացն ընտրած Մարդիկի դասախոսն էր Հայկ Մանուկյանը։ Հենց Նյու Յորքի համալսարանում էր Մարդիկ Մարտինն ընկերացել Մարտին Սկորսեզեի հետ։

Սցենարիստ Մարդիկ Մարտինի եւ ռեժիսոր Մարտին Սկորսեզեի համագործակցությունը սկսվել էր «Խնդիրը միայն դու չես, Մյուրեյ» (1964) կարճամետրաժ ֆիլմից։ Այնուհետեւ ընկերներին համաշխարհային ճանաչում պարգեւած ֆիլմն էր։ 1973 թվականին լույս էր տեսել «Չար փողոցները» դրաման, որի սցենարը Սկորսեզեն եւ Մարդիկը միասին էին գրել։ Գլխավոր դերերում էին Ռոբերտ դե Նիրոն եւ Հարվի Քեյթելը։ 1974 թվականին Մարդիկ Մարտինն ու Սկորսեզեն սկսել էին աշխատել «Իտալաամերիկացիները» ֆիլմի շուրջ։ 1977-ի «Նյու Յորք, Նյու Յորք» լիրիկական դրաման, որում նկարահանվել են Ռոբերտ դե Նիրոն եւ Լայզա Մինելին, դարձել էր նրանց ամենանշանակալի աշխատանքներից մեկը։

1980 թվականին մեծ էկրաններին ներկայացվել էր Մարտին Սկորսեզեի «Կատաղած ցուլ» սպորտային դրաման։ Կինոնկարն ավարտվում է Մարդիկի եւ Սկորսեզեի ուսուցիչ Մանուկյանին նվիրված տիտրերով։ «Կատաղած ցուլ»-ի գաղափարը երկու ընկերներին առաջարկել էր դե Նիրոն, որն ուներ 1950-ականներին հայտնի բռնցքամարտիկ Ջեյք Լամոտայի ինքնակենսագրությունը։

Մարդիկ Մարտինի անունը ներառվել է «երբեւէ ստեղծագործած 101 մեծագույն սցենարիստների» ցանկում, որը կազմվել է ԱՄՆ-ի սցենարիստների գիլդիայի կողմից։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Պոլսահայ երգչուհի Սիբիլ. Հիմա արդեն Թուրքիայում չեմ զգում այն նույն հանգստությունը
Իմ «Նամակ» երգը, որը Թուրքիայում նկարահանված և թողարկված առաջին հոլովակն է, հեռարձակվել է բազմաթիվ ալիքներով, այդ թվում՝ պետական հեռուստատեսությամբ՝ TRT-ով…
Մահացել է «Սասնա ծռեր» շարժման անդամ, բանաստեղծ Ռուբեն Հովակիմյանը
Ռուբեն Հովակիմյանի հոգեհանգիստը տեղի կունենա սեպտեմբերի 12-ին…
Մահացել է Պորտուգալիայի նախկին նախագահ Ժորժի Սամպայուն
Սամպայուն ծնվել է Լիսաբոնում 1939 թվականին, զբաղեցրել է նախագահի պաշտոնը 1996-2006 թվականներին․․․
«Հավուն-Հավուն»-ն ու «Ջութակի կոնցերտը»․ Սերգեյ Խաչատրյանը հայկական երաժշտություն հնչեցրեց Դուբայում
Արամ Խաչատրյանը իմ երաժշտությունն է, հայկական է, իմ հոգու մեջ է․․․
Ժան-Պոլ Բելմոնդոյի հիշատակին նվիրված ազգային արարողությունը կանցկացվի Փարիզում սեպտեմբերի 9-ին
Արարողության անցակցման վայր է ընտրվել Հաշմանդամների տունը՝ Ֆրանսիայի ականավոր մարդկանց հետ հրաժեշտի արարողությունների ավանդական վայրը...
Արմեն Սարգսյանը ցավակցել է Ալեքսանդր Թոփչյանի մահվան կապակցությամբ
Դրանք մնայուն վկայությունն են այն բանի, որ Ալեքսանդր Թոփչյան թարգմանիչն իսկապես անգնահատելի ավանդ ունի մեր…
Ամենաշատ