News
Լրահոս
News
Երեքշաբթի
Հուլիս 23
Տեսնել լրահոսը

Աշխատանքի և սոցիալական հարցերի նախարար Զարուհի Բաթոյանը հրաժեշտի հանդիպում է ունեցել Հայաստանում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջջադիի հետ: Այս մասին հայտնում է ՀՀ աշխատանքի և սոցիալական հարցերի նախարարությունը:

«Թեեւ Ձեր դիվանագիտական առաքելությունն այստեղ ավարտվում է, վստահ եմ՝ Հայաստանից կվերադառնաք մեր երկրների համագործակցությամբ բավարարված: Ցավում եմ, որ անձամբ պատիվ չեմ ունեցել աշխատելու Ձեզ հետ, բայց տեղեկացված եմ Հայաստան-Իրան ակտիվ գործակցության մասին, ինչի համար ուրախ եւ շնորհակալ եմ: Մենք բարձր ենք գնահատում հայ-իրանական գործընկերությունը եւ պատրաստ ենք բոլոր մակարդակներում շարունակելու համագործակցությունը»,- այս մասին Հայաստանում Իրանի Իսլամական Հանրապետության արտակարգ եւ լիազոր դեսպան Սեյեդ Քազեմ Սաջջադի հետ հրաժեշտի հանդիպման ժամանակ ասել է ՀՀ աշխատանքի եւ սոցիալական հարցերի նախարար Զարուհի Բաթոյանը:

Նա նշել է, որ նախարարության եւ Իրանի Իսլամական Հանրապետության միջեւ համագործակցության հուշագիր է պատրաստվում, որի նախնական տարբերակն արդեն շրջանառվում է: Նախարարը հույս է հայտնել, որ մոտ ապագայում հուշագիրն ավարտուն տեսքի կբերվի եւ կդառնա համագործակցության լավագույն հիմնասյունը:

«Շատ ուրեխ եմ հանդիպել մի տիկնոջ, ով իր վրա պատասխանատվություն է վերցրել՝ ստանձնելու այս չափազանց կարեւոր առաքելությունը՝ աշխատելու հասարակության ամենախոցելի խավերի հետ: Իրանի Իսլամական Հանրապետության Սոցիալական հարցերի նախարարությունն աշխատում է 82 մլն քաղաքացիների հետ: Կարող եք պատկերացնել՝ ինչ ահռելի ծավալի աշխատանքի մասին է խոսքը: Մենք նաեւ շատ ծրագրեր ունենք՝ ուղղված զբաղվածության խթանմանը: Համոզված եմ, որ մեր երկու երկրներին գործընկեր կառույցները շատ բան կունենան քննարկելու եւ փորձի փոխանակման իմաստով»,- ասել է դեսպան Սեյեդ Քազեմ Սաջջադը:

Զարուհի Բաթոյանը նշել է, որ երկու երկրների միջեւ բազմաթիվ զուգահեռներ կարելի է տանել, բայց աշխատանքի հանդեպ ունեցած սերը  հատկապես բնութագրում է մեր երկու ժողովուրդներին:

«Աշխատատեղերի ստեղծման՝ Իրանի փորձը, վստահաբար, շատ արժեքավոր կլինի մեզ համար: Ես գիտեմ, որ աշխատանքի խրախուսումը մեր երկու երկրների կառավարությունների հիմնական մոտեցումներից մեկն է, իսկ մեր նախարարության համար զբաղվածությունը դիտարկվում է նաեւ որպես աղքատության հաղթահարման հիմնական ճանապարհ: Մենք մեր բոլոր ջանքներն ուղղում ենք արժանապատիվ աշխատանքային պայմաններ ստեղծելու ուղղությամբ»,- ասել է նախարար Բաթոյանը եւ վստահություն հայտնել, որ դեսպան Սեյեդ Քազեմ Սաջջադը շուտով ականատեսը կդառնա այն բանի, թե ինչ պտուղներ են տալիս իր առաքելության ընթացքում ցանված սերմերը:

!
Այս նյութը հասանելի է նաև   English
Տպել
Կարդացեք նաև
Ամբողջը
Առաջիկայում իրանական գազի արտահանումը Հայաստան կկրկնապատկվի. Իրանի դեսպան
Մեզ հաջողվեց գրեթե վերջնական փուլ բերել նաև Հայաստանից Իրան էլեկտրահաղորդման երրորդ գիծը, որը...
Եղիազար Վարդանյանը Իրանի դեսպանի հետ քննարկել է ՀՀ-ում շինարարությանը իրանական ընկերությունների մասնակցության հարցը
Քաղաքաշինության կոմիտեի նախագահ Եղիազար Վարդանյանը հյուրընկալել է…
Ռուբինյանն ու Մեհդի Սոբհանին քննարկել են Հայաստան-Իրան երկկողմ օրակարգի եւ տարածաշրջանային անվտանգությանը հարցերը
Հանդիպման ընթացքում մտքեր են փոխանակվել Հայաստան-Իրան երկկողմ օրակարգի եւ տարածաշրջանային կայունությանն ու անվտանգությանը վերաբերող…
Ռուբինյանը Սանկտ Պետերբուրգում հանդիպել է ԻԻՀ Մեջլիսի նախագահ Մոհամմադ Բաղեր Ղալիբաֆի հետ
ՀՀ ԱԺ նախագահի տեղակալ Ռուբեն Ռուբինյանը հուլիսի 11-ին Սանկտ...
Ռուբեն Ռուբինյանը Սանկտ Պետերբուրգում հանդիպել է Իրանի Մեջլիսի նախագահ Մոհամմադ Բաղեր Ղալիբաֆի հետ
Հանդիպմանը քննարկվել են Հայաստան-Իրան միջխորհրդարանական համագործակցությանը, ինչպես…
Սանոսյանը և Իրանի դեսպանը ընդգծել են ՀՀ-Իրան 3-րդ էլեկտրահաղորդման գծի շինարարությունը շուտ ավարտելու անհրաժեշտությունը
Նախարար Սանոսյանը վերահաստատել է պատրաստակամությունը շարունակել բազմոլորտ համագործակցությունը և խորացնել համագործակցություն...
Ամենաշատ