News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

ՀՀ ոստիկանության ԿՀԴՊ գլխավոր վարչությունում ստացված օպերատիվ տվյալների հիման վրա նախապատրաստված նյութերով պարզվել է, որ 2013-2014թթ. ընթացքում Երեւան քաղաքի Ավան վարչական շրջանի առանձին պաշտոնատար անձինք անձնական շահագրգռվածությունից եւ խմբային շահերից ելնելով, ծառայողական դիրքը ծառայության շահերին հակառակ օգտագործելով, ձեռնարկել են առերեւույթ ապօրինի ներգործության միջոցներ՝ վարչական շրջանում գործող «Խութ» բարեգործական հիմնադրամին քաղաքացիների կողմից գումարներ տրամադրելու ուղղությամբ:

ՀՀ Գլխավոր դատախազությունից NEWS.am-ին հայտնում են, որ մասնավորապես՝ նշված տարիներին Ավան վարչական շրջանի քաղաքաշինության եւ հողօգտագործման բաժնի պետի պաշտոնը զբաղեցրած անձը նույն վարչական շրջանում անհատական տների շինարարության իրականացման թույլտվություն տրամադրելու համար, բացի նոր շինարարության տրամադրման պետական տուրքի վճարումից, քաղաքացիներին պարտադրել է գումարներ փոխանցել նաեւ նշված բարեգործական հիմնադրամի հաշվեհամարին եւ ներկայացնել փոխանցումը հավաստող անդորրագիրը: Հակառակ դեպքում  նա սպառնացել է չտրամադրել  շինարարության իրականացման թույլտվություն:

Այդ կերպ 2013թ. Երեւան քաղաքի Ծարավ Աղբյուր փողոցում անհատական 2 տների շինարարության իրականացման թույլտվություն տրամադրելու համար քաղաքացիներից մեկին պարտադրվել է «Խութ» բարեգործական հիմնադրամի հաշվեհամարին փոխանցել շուրջ 600.000, մյուսին՝ 50 հազար ՀՀ դրամ:

Մեկ այլ դեպքում 2013-2014թ-ի ընթացքում Երեւան քաղաքի Ավան 6-րդ փողոցի տներից մեկին հարակից ապօրինի շինությունը օրինականացնելու եւ նոր շինանարարության կատարման թույտվություն տալու համար քաղաքացուն պարտադրվել է բարեգործական հիմնադրամի հաշվեհամարին փոխանցել 1.500.000 ՀՀ դրամ:

Արդյունքում տվյալ պաշտոնատար անձի կողմից իր պաշտոնեական լիազորությունները չարաշահելու հետեւանքով քաղաքացիներին պատճառվել է գույքային էական վնաս, ինչպես նաեւ այդ գործողությունների հետեւանքով հեղինակազրկվել է պետության բարի համբավը: 

Նկատի ունենալով, որ նախապատրաստված նյութերում առերեւույթ առկա է պաշտոնատար անձի կողմից պաշտոնեական լիազորությունները չարաշահելու հանցագործության հատկանիշներ՝ Ոստիկանության ԿՀԴՊ ԳՎ ԿՎ բաժնում հարուցվել է քրեական գործ՝ ՀՀ քրեական օրենսգրքի 308-րդ հոդվածի 1-ին մասի հատկանիշներով:

Նախաքննություն իրականացնելու համար քրեական գործն ուղարկվել է ՀՀ քննչական կոմիտե: Նախաքննության ընթացքում ողջ ծավալով քննության առարկա կդառնա նշված բարեգործական հիմնադրամին նման եղանակով նաեւ այլ դրամական փոխանցումներ կատարված լինելու հավանականությունը, Ավան վարչական շրջանի ինչպես տվյալ, այնպես էլ այլ պաշտոնատար անձանց նմանատիպ հնարավոր գործողություններից այլ տուժողների առկայությունը, որի հիման վրա կտրվեն համապատասխան իրավական գնահատականներ:

Տպել
Կարդացեք նաև
Ամբողջը
Հրավառությունից հետո այրվում է Հաղթանակի զբոսայգու հարակից տարածքը (ֆոտո)
Հիշեցնենք, որ այսօր նշվում էր Երեւանի 2801-ամյակի, ինչի շրջանակներում...
Գեղարքունիքի մարզում ողբերգական վթարից մահացած 18-ամյա երիտասարդները դեկտեմբերին զորակոչվելու էին ծառայության
Գյուղապետը հայտնեց, որ վթարի հետեւանքով վիրավորների կյանքին վտանգ չի սպառնում…
Հնդկաստանում հանգուցյալը «կենդանացել» է սեփական թաղման ժամանակ
Նշվում է, որ 55-ամյա հովիվը այծերին արածեցնելուց հետո անհետացել է...
Քարահունջի շենքում գտնվող խաղասրահից բերման են ենթարկել 3 մարդու. Նրանց մոտ կասկածելի փաթեթներ են եղել
Անձնական խուզարկությամբ թմրամիջոցի նմանվող զանգվածով փաթեթներ են հայտնաբերվել…
Բաքվում ընդդիմության հանրահավաքի ժամանակ 60 մարդ է կալանավորվել
Բաքվի կենտրոնում ինտերնետային հասանելիությունը սահմանափակ է եղել․․․
Աշտարակի ոստիկանները ապօրինի թմրաշրջանառության դեպքեր են բացահայտել «Կոշ» ՔԿՀ-ի մոտ
Դեպքերի առթիվ նախապատրաստվում են նյութեր։ Հանգամանքները պարզվում են…
Ամենաշատ