Գյումրիի ծննդատան աշխատակիցները հայտնում են, որ Գյումրիում սուրոգատ կամ փոխնակ մայրեր առայժմ չկան, ի տարբերություն Երեւանի:
«Երեւանյան մի կազմակերպություն կա, որը դիմել է մեզ եւ խնդրել է ուղղորդել նրանց, ովքեր կցանկանան սուրոգատ մայր դառնալ»,- NEWS am-ի թղթակցի հեզ զրույցում ասել է Գյումրիի ծննդատան տնօրեն Արմեն Իսահակյանն ու հավելել, որ սուրոգատ մայր լինելու համար կինը պետք է համապատասխանի որոշակի պահանջների: «Նախ փոխնակ մայրը պետք է առողջ լինի, չունենա վատ սովորություններ ու որոշակի տարիքի պետք է համապատասխանի: Կոնկրետ գումարի չափ չի նշվում `վճարումը կախված է փոխհամաձայնությունից»,- ասել է նա:
Տնօրենը խոսքով, Գյումրիում ավելի շատ են այն մայրերը, ովքեր թողնում են իրենց երեխաներին: «Վերջին շրջանում նման դեպքերը նվազել են, բայց կան: Ծննդատանը թողնված երեխաներին հանձնում ենք մանկատուն»,- ամփոփել է Ա. Իսահակյանը: