ՀՀ ԶՈւ-ն կատարում է առաջադրանքը ցանկացած ժամանակ եւ ցանկացած պայմաններում։ Այս մասին լրագրողների հետ զրույցում ասաց ՀՀ ԶՈւ Գլխավոր շտաբի պետի տեղակալ, գեներալ-մայոր Անդրանիկ Մակարյանը:
Պատասխանելով հակառակորդի ակտիվացման եւ դիվերսիաների մասին հարցին՝ գեներալը նկատեց, որ զինվորականների համար հակառակորդի սադրանքներն ու պատասխան գործողությունները սովորական երեւույթ են:
«Մեզ համար դա սովորական երեւույթ է: Մենք պարտավոր ենք ցանկացած պայմաններում կատարել մարտական խնդիրը: Ինչ վերաբերում է այսօրվա զորավարժություններին, եզրակացությունը մեկն է՝ Հայաստանի եւ հայ ժողովրդի ֆիզիկական անվտանգության ապահովման խնդիրը դրված է ոչ միայն ՊՆ-ի, այլ նաեւ ոստիկանության, ԱԱԾ-ի, ԱԻՆ-ի եւ բոլոր այլ իրավասու մարմինների վրա: Այդ կապակցությամբ ուզում եմ շնորհակալություն հայտնել բոլոր մասնակիցներին, սպաներին եւ զինվորներին»,- նշեց գեներալը: