Վենետիկի հանձնաժողովի գլխավոր քարտուղար Ջանի Բուքիքիոն հետայսու Հայաստանի Պատվո շքանշանակիր է:
Նախագահի մամուլի գրասենյակից NEWS.am-ին հայտնում են, որ Սերժ Սարգսյանը սեպտեմբերի 29-ին հրամանագիր է ստորագրել Հայաստանի եվրոպական ինտեգրմանը մեծապես նպաստելու, Հայաստանի Հանրապետությունում իրավական բարեփոխումների իրականացման գործում ունեցած ծառայությունների համար Եվրախորհրդի «Ժողովրդավարություն` իրավունքի միջոցով» եվրոպական հանձնաժողովի (Վենետիկի հանձնաժողով) գլխավոր քարտուղար Ջանի Բուքիքիոյին Պատվո շքանշանով պարգեւատրելու մասին: