News
Լրահոս
News
Հինգշաբթի
Նոյեմբեր 14
USD
477.46
EUR
526.02
RUB
7.42
ME-USD
0.06
Տեսնել լրահոսը

Իրանի նախագահի այցը Երեւան նշանավորվեց ժամանակավոր համաձայնագրերի ստորագրմամբ, որոնք, անշուշտ, շահավետ են ինչպես Հայաստանի, այնպես էլ Իրանի համար։ Այս մասին լրագրողների հետ հանդիպման ժամանակ հոկտեմբերի 3-ին ասաց իրանագետ Գոհար Իսկանդարյանը։

Նրա խոսքով, եթե Իրանի համար դա շահավետ է իր արտադրանքը ԱՄՆ կոշտ պատժամիջոցների պայմաններում եւ ծանր տնտեսական իրավիճակում արտահանելու լրացուցիչ հնարավորություններ ստանալու տեսակետից, ապա հայկական կողմի համար դա շահավետ է այն իմաստով, որ հնարավորություն կտա արտահանել մոտավորապես 300 անուն ապրանքներ ավելի ցածր տոկոսադրույքներով, ինչը դրական գործոն է՝ հաշվի առնելով իրանական տնտեսության ավանդական հովանավորչական բնույթը։

Նա ավելացրել է, որ երեք տարով ստորագրված համաձայնագրերը հնարավորություն կտան հասկանալու, թե ինչ արժեքավորություն է ներկայացնում նման ռեժիմը երկու երկրների համար։ «Իհարկե, զրոյական տոկոսադրույքների մասին  կարելի կլինի խոսել միայն Իրանի ԵՏՄ մտնելու պարագայում։ Բայց առեւտրատնտեսական հարաբերությունների ակտիվացում, այնուամենայնիվ, կարելի է սպասել՝ հաշվի առնելով ազատ առեւտրի գոտու ստեղծումը»,- նկատել է իրանագետը։

Անդրադառնալով Մեղրիում ՀԷԿ-ի կառուցման նախագծի իրականացմանը՝ Իսկանդարյանը նշեց, որ բոլոր դիվանագիտական եւ իրավական հարցերը լուծվել են, սակայն նախագծի իրականացումը ձգձգվում է: Իրանական կողմը, որն, ըստ համաձայնագրի, պետք է ստանձնի ֆինանսավորումը, հայտարարում է միջոցներ չլինելու մասին: «Սակայն Երեւանում Իրանի նախագահը այս հարցը մտցրեց օրակարգ, եւ հույս կա, որ ծրագիրն, ի վերջո, կգործարկվի»,- հավելեց նա:

Փորձագետը հայտարարեց, որ Իրանի եւ Հայաստանի միջեւ երկաթուղու կառուցումը կապված է հայկական կողմի դրամական միջոցների բացակայության հետ, քանի որ Իրանի երկաթուղային ցանցը բավականին զարգացած է, տարածաշրջանում, հավանաբար, ամենազարգացածն է, եւ իր կողմից պետք է կառուցել միայն 60 կմ ճանապարհ: «Հնարավոր է, որ 3 մլդ դոլարի խնդիրը դոնորների միջոցով կլուծվի տեսանելի ապագայում: Դրանից բացի, Չինաստանը նույնպես հետաքրքրված է այս միջանցքով: Մենք առայժմ պետք է կենտրոնանանք այն հարցի վրա, որ ավարտին հասնենք «Հյուսիս-Հարավ» մայրուղու կառուցումը, եւ այս ուղղությամբ ակտիվ աշխատանքներ են կատարվում»,- ամփոփեց իրանագետը:

Նշենք, որ Եվրասիական տնտեսական միության հետ Իրանի Ազատ առեւտրի գոտին կսկսի գործել հոկտեմբերի 27-ից:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանի առեւտրաարդյունաբերական պալատում տեղի կունենա Հայաստանի հետ համատեղ բիզնես կոնֆերանսը
Միջոցառման նպատակը երկու հարեւան երկրների տնտեսական հնարավորությունների ուսումնասիրումն է՝ կոմերցիոն փոխանակումների ընդլայնման նպատակով...
Իրանական ընկերությունը կարող է հողմակայանների կառուցել Հայաստանում. Պապիկյանը Թեհրանում հանդիպումներ է ունեցել
Սուրեն Պապիկյանը Թեհրանում մասնակցել է Իրանական էլեկտրաէներգիայի միջազգային ցուցահանդեսին…
Սուրեն Պապիկյանը նոյեմբերի 1-ին աշխատանքային այցով մեկնում է Իրան. Օրակարգը հայտնի է
էներգետիկայի, նավթի, ճանապարհների և քաղաքաշինության, ներքին գործերի նախարարների հետ...
Վարչապետն ընդունել է Հայաստանում Իրանի դեսպանին
Վարչապետն իր գնահատանքն է հայտնել դեսպանի գործունեության ընթացքում...
Տիգրան Ավինյանը Իրանի կապի նախարարի հետ քննարկել է ՏՏ ոլորտում գործարար կապերի ընդլայնման հեռանկարները
Մոհամմադ Ջավադ Ազարի Ջահրոմիին շնորհավորել է հայկական կողմին ՏՏ համաշխարհային համաժողովը բարձր մակարդակով անցկացնելու կապակցությամբ...
Արարատ Միրզոյանը հրաժեշտի հանդիպում է ունեցել ՀՀ-ում Իրանի դեսպանի հետ
Սեյեդ Քազեմ Սաջջադին շնորհակալություն է հայտնել Արարատ Միրզոյանին՝ արդյունավետ համագործակցության համար...
Ֆոտոռեպորտաժներ