Պենտագոնի նախկին աշխատակից Լուիս Էլիզոնդոն Fox News հեռուստաալիքին պատմել է, որ Blink-182 ռոք խմբի վոկալիստ Թոմ Դելոնգի կողմից հիմնված ՉԹՕ-ների հետազոտությամբ զբաղվող «Արվեստների եւ գիտության աստղային ակադեմիան» ներկայումս հետազոտում է ՉԹՕ-ներին վերաբերող նյութեր եւ կարող է ներկայացնել նրանց գոյությունն ապացուցող ֆիզիկական վկայություններ։
Էլիզոնդոն պնդում է, որ իրեն Պենտագոնից հեռացրել են, որպեսզի խանգարեն հետազոտել «անսովոր օդային համակարգերը»։
Հեռուստաալիքին տված հարցարույցում Էլիզոնդոն հայտարարել է, որ տիեզերական այն կազմակերպությունը, որտեղ նա հիմա աշխատում է, ավելի մոտ է այդ անսովոր ֆենոմենի էության առավել ճշգրիտ բացահայտմանը։
Ըստ նրա, իր խմբում աշխատող փորձագետները հետազոտում են իրենց մոտ հայտված նյութի ֆիզիկական, քիմիական եւ միջուկային հատկությունները։
Էլիզոնդոյի խոսքերով, ճշգրիտ հետեւությունները կարվեն գիտական գործընթացի ավարտից հետո։
Նշվում է, որ Էլիզոնդոն, ամենայն հավանականությամբ, նկատի ունի այն նյութը, որը ստացվել է այլմոլորակային տիեզերանավից։
Ավելի վաղ «Արվեստների եւ գիտության աստղային ակադեմիա» տիեզերական կազմակերպությունը հայտարարել էր, որ իր տրամադրության տակ է հայտնվել ՉԹՕ-ներին վերաբերվող ինչ-որ «էկզոտիկ» նյութ։