Թուրքիայի ԱԳՆ-ը բացատրություն է պահանջել ամերիկացի դիվանագետից Twitter-ում «լայքի» պատճառով: ԱՄՆ դեսպանատան պաշտոնական հաշիվը հավանել է թվիթը, որում ասվում է, որ Թուրքիայի ժողովուրդը պետք է առանց Թուրքիայի ազգային կուսակցության առաջնորդի քաղաքական դարաշրջանի պատրաստվի, քանի որ վերջինս հիվանդ է, հաղորդում է Politico-ն:
ԱԳՆ-ը հայտարարել է, որ ԱՄՆ գործերի ժամանակավոր պաշտոնակատար Ջեֆրի Հովենիերը կանչվել է ԱԳՆ՝ չնայած դեսպանատան հայտարարությանը, թե «լայքը» սխալմամբ է արվել: Դեսպանատունը ներողություն է խնդրել:
Շատերը ենթադրել են, որ ազգայնական Դեւլեթ Բախչելին կարող է շուտով մահանալ: Թվիթը հրապարակել է լրագրողը, որին մեղադրում են իսլամական քարոզիչ Ֆեթուլլահ Գյուլենի շարժման հետ կապի մեջ: Թուրքական ԶԼՄ-ները հայտնում են, որ լրագրող Էրգուն Բաբախանը հետախուզվում է:
Այդ թվիթվն առաջացրել է իշխող «Արդարություն եւ զարգացում» կուսակցության, ինչպես նաեւ Բախչելիի կուսակցության զայրույթը, երկուսն էլ դաշնակիցներ են:
Դեսպանատունը երկրորդ անգամ է ներողություն խնդրել այն բանից հետո, երբ Հովենիերին կանչել են ԱԳՆ:
«Մենք մեզ չենք կապում Էրգյուն Բաբախանի հետ եւ չենք աջակցում կամ համաձայնում նրա թիվթի հետ: Եվս մեկ անգամ ցավում ենք այդ սխալի համար»,- ասվում է դեսպանատան հաղորդագրության մեջ:
