News
Լրահոս
News
Հինգշաբթի
Օգոստոս 06
USD
485.18
EUR
575.37
RUB
6.62
ME-USD
0.02
Տեսնել լրահոսը

Ադրբեջանի նախագահ Իլհամ Ալիեւի՝ Լեռնային Ղարաբաղում «կենսական տարածությունների» յուրացման ծրագրերի իրականացումը անխուսափելիորեն կշրջվի ղարաբաղցիների համար ֆիզիկական հետեւանքներով եւ համակենտրոնացման ճամբարների ի հայտ գալով: Այս մասին ասաց Արցախի նախագահի աշխատակազմի փոխղեկավար, նախագահի աշխատակազմի Գլխավոր տեղեկատվական վարչության պետ Դավիթ Բաբայանը՝ NEWS.am-ի հետ զրույցում մեկնաբանելով Իլհամ Ալիեւի հայտարարությունը:

Դավիթ Բաբայանի կարծիքով՝ Ալիեւի հայտարարությունը կարելի է երկու կերպ վերլուծել. «Սա, մի կողմից, «Ղարաբաղի օկուպացիայի մասին» շլյագեր դարձած ադրբեջանական քաղաքական մուղամի հերթական կատարումն է: Այս մուղամն ուղղակի դարձել է ադրբեջանական արտաքին եւ ներքին քաղաքականության այցեքարտը:

Բայց եթե հայտարարություններն ուշադիր դիտարկենք, դժվար չէ նկատել ենթատեքստը: Ալիեւը խոսում է նոր քաղաքների եւ բնակավայրերի մասին: Նույն բանն ասում էր Հիտլերը: Երբ Հիտլերը խոսում էր «արիացիների» համար կենսական տարածության ընդարձակման մասին, նույնպես նոր քաղաքներ էր խոստանում: Այսինքն՝ հները պետք է ավերվեին եւ կառուցվեին նորերը: Ահա թե ինչ է մեզ սպասվում: Եվ այս մասին չի կարելի մոռանալ: Ահա թե ինչ է մեզ սպասվում, եթե Ադրբեջանը կարողանա իրականացնել իր մարդատյաց ծրագրերը: Իհարկե, մենք ամեն ինչ կանենք, որ դա նրան չհաջողվի: Բայց ահա սրանք են նրանց երազանքներն ու անուրջները: Ադրբեջանի ղեկավարությունը չի մրմնջում խաղաղության մեջ ապրելու մասին, խոսում է մեր ավերվածի վրա իրենց նորի կառուցման մասին: Սա նշանակում է, որ ավերվելու են հայկական բոլոր հուշարձանները, ոչնչացվելու են շիրիմները, ջնջվելու են հայերի հետքերը, ինչպես արվել է Բաքվում եւ ադրբեջանական այլ քաղաքներում: Եվ դրանց տեղում կառուցվել են նոր պալատներ՝ Իլհամ Ալիեւի, Մեհրիբան Ալիեւայի, նրանց դուստրերի, որդիների, փեսաների եւ այլոց անուններով:

Շարքային ադրբեջանցիները պատերազմ չեն ուզում, բայց ադրբեջանցի ժողովրդի մտածող հատվածը հասկանում է, թե այսպիսի նացիզմն իրենց ուր կարող է նետել: Չէ՞ որ Հիտլերը նույնպես նացիստների համար լավ բաների մասին էր խոսում: Չնայած նրա ծրագրերի ամբողջ հրեշավորությանը, բնակչությունն ինչ-որ պահի նրան աջակցել է: Նոր քաղաքների խոստումները վերածվեցին համակենտրոնացման ճամբարների կառուցման: Հայերն էլ հենց այդպիսի «տներ» կունենան, եթե Ադրբեջանի ղեկավարությանը հաջողվի կենսագործել իր ծրագրերը: Ընդ որում՝ լավագույն դեպքում համակենտրոնացման ճամբարներ, եթե չքառատեն: Անհրաժեշտ է հիշել, թե ում եւ ինչի հետ գործ ունենք, եւ մշտապես աշխատել ի բարօրություն սեփական երկրի»,- ընդգծեց Դավիթ Բաբայանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հակահայկական քաղաքականությունը դարձել է Ադրբեջան պետության անկյունաքարը. Քուվեյթում ՀՀ դեսպան
Ադրբեջանը շարունակում է Սիրիայից ահաբեկիչների հավաքագրել և ուղարկել Կովկաս՝ խաղաղ հայ բնակչության դեմ...
Հայաստանն ի զորու է դառնալ մեր տարածաշրջանում խաղաղության երաշխավոր. «Ժառանգություն»
Բազմաբևեռ դարձող աշխարհակարգում Հայաստանը պետք է վերահաստատի իր դաշնակցությունն այն պետությունների հետ, որոնց շահերն առկա են մեր նալիքի...
Ցանկացած ինքնաթիռի, ուղղաթիռի օդ բարձրանալը, տարբեր ուղղություններով շարժվելը ֆիքսվում է. Տիգրան Աբրահամյան
Հակառակորդի օդուժի՝սահմանից վտանգավոր հեռավորության վրա գտնվելու...
Ընդդիմադիր գործիչը խիստ քննադատություն է հնչեցրել ՀՀ իշխանությունների՝ Ղարաբաղի մասով քաղաքականության կապակցությամբ
ՀՀԿ ներկայացուցիչը վստահություն հայտնեց, որ խաղաղության մասին պետք է ոչ թե խոսել, այլ՝ պարտադրել․․․
Չի լինելու երբեւէ զիջում, չի լինելու չբալանսավորված լուծում. Մենք ասում ենք՝ ստատուս եւ անվտանգություն. ԱԳ նախարար
Երկու տարվա ընթացքում մենք իրականում այդ գործառույթները իրականացրել ենք, եւ այս շրջանում մեզ համար ձեւավորվել է երեք աշխատանքային ուղղություն...
Մինչ այժմ Բաքվի կողմից չենք լսել որեւէ ազդակ, որ պատրաստ են աշխատել դեպի փոխզիջում. Դա չի աշխատելու. ԱԳ նախարար
Եթե ենթադրվում է, որ մենք կարող ենք սպառնալիքը, ուժի կիրառումը դիտարկել որպես գործոն խաղաղ գործընթացում, դա չի լինելու...
Ամենաշատ