News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը


Տեղեկատվական տեխնոլոգիաների համաշխարհային համաժողովի հյուրերը շատ պոզիտիվ են տրամադրված, ոմանք անգամ եկել են ինչ–որ պայմանավորվածությունների հայկական ընկերությունների հետ։ Այս մասին այսօր՝ հոկտեմբերի 9-ին, NEWS.am-ի տաղավարում ասաց WCIT 2019-ի կազմակերպչական կոմիտեի նախագահ Ալեքսանդր Եսայանը՝ ամփոփելով համաժողովի արդյունքները։ 

«Համաժողովն անցավ շատ զբաղված ե՛ւ ինձ համար, ե՛ւ այցելուների։ Այսօր շատերի հետ քննարկել ենք՝ արդյոք մեր այցելուները ժամանակ են ունեցել տեսնելու Երեւանը, շատերից ստանում ենք պատասխան, որ չէ, ժամանակ չեն ունեցել, որովհետեւ քննարկումներն այնքան հետաքրքիր են եղել, որ նրանք անց են կացրել համալիրում, որը կարծում եմ՝ շատ կարեւոր է։ Եվ դա էր մեր հիմնական սպասելիքը, որ կարողանայինք ստեղծել հետաքրքիր միջավայր շփվելու, որ երբ վերադառնային Հայաստանից, ասեին՝ ինչ լավ երկիր էր, ինչ լավ մարդիկ էին, ինչպիսի բարձր մակարդակի քննարկումներ են անցկացվել Հայաստանում»,- ասաց նա։

Ալեքսանդր Եսայանին շատ է դուր եկել Art panel պանելային քննարկումը. «Շատ ժամանակ չեմ ունեցել առանձին պանելային քննարկումներին մասնակցելու համար, բայց ինձ շատ է դուր եկել Art panel-ը, որտեղ ցույց էր տրվում, թե արհեստական բանականությունն ինչ դեր ունի արվեստի շուկայում, եւ ինչպես է արվեստը տրանսֆորմացվում շուկայի։ Ինչպես գիտեք, շատ ոլորտներ կան, որտեղ ամեն ինչ ավտոմատացվում է, եւ հետաքրքիր է, թե ինչպես են տեխնոլոգիաները կիրառվում արվեստում»։

Նա խոսեց նաեւ համաժողովի համար ծախսված գումարից. «Վերջնական թիվ չեմ կարող ասել, երեւի թե ծախսվել է 4 մլն ԱՄՆ դոլարից ավելի, մեջ օգնել են հովանավորները եւ կառավարությունը։ Google-ը, PicsArty-ը, AGBU-ն, Մոսկվա քաղաքը մեր հիմնական աջակինցերն էին։ Նման մեծ միջոցառում առանց կառավարության աջակցության հնարավոր չէր իրականացնել»։

WCIT 2019-ի կազմկոմիտեի նախագահը նաեւ հայտնեց, որ համաժողովը բավականին մեծ հնչեղություն է ստացել ոչ միայն հայկական, այլ միջազգային մեդիայում։

Եսայանը, սակայն նշեց, որ WCIT 2018-ը կազմակերպած երկրից՝ Հնդկաստանից, կազմակերպչական առումով որեւէ ինֆորմացիա չի հաջողվել ստանալ, սակայն շեշտեց՝ հաջորդ համաժողովն անցկացվելու է Մալայզիայում, եւ Հայաստանն աջակցելու է կազմակերպչական ինֆորմացիան փոխանցելու հարցում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Facebook-ը Libra-ի հարցում շատ համարձակ քայլի է դիմել. Արթուր Վայլոյան
Ընդունելությունը ցնցող էր, ես ինձ զգում եմ ինչպես տանը…
Հայաստանի Էկոնոմիկայի նախարարի տեղակալները հանդիպել են «WCIT 2019» ՏՏ համաշխարհային համաժողովի պատվիրակների հետ
Հիլբերտ Վերդյանը հանդիսանում է Quant Network-ի հիմնադիր և գործադիր տնօրենը։ Հանդիպման ընթացքում հիմնականում քննարկվել են հանրային ծառայություններում...
WCIT 2019-ին «Taiwan Excellence»-ի տաղավարում ներկայացվել է Թայբեյի հեղափոխական նորարարությունն ու տեխնոլոգիան
Թայբեյը հայտնի է տեղեկատվական և հաղորդակցական արդյունաբերության ոլորտում որպես հիմնական դերակատար...
Նորարար տեխնոլոգիաներն ու բիզնեսի զարգացումը. «Կոկա-Կոլա Հելլենիկն» իր փորձն է կիսել WCIT-2019-ին (ֆոտո)
Տեխնոլոգիաների կիրառումն այսօր անհարժեշտ է յուրաքանչյուր ընկերությանը՝ անկախ ոլորտից...
Հայաստանում սելֆի-հայելիներ կարտադրեն
Ֆոտոհայելին ինտերակտիվ գաջեթ է, որը թույլ է տալիս լուսանկարվել հասակով մեկ, տեղում խմբագրել լուսանկարը․․․
Երեւանում աշխատանքն ավարտեց WCIT 2019 ՏՏ համաշխարհային համաժողովը (ֆոտո)
Համաժողովի շրջանակում ելույթով հանդես եկան ՀՀ վարչապետ Նիկոլ Փաշինյանը, WITSA-ի նախագահ Իվոն Չիուն, անվտանգության հարցերով ամերիկացի փորձագետ Ռիչարդ Քլարքը...
Ֆոտոռեպորտաժներ