News
Լրահոս
News
Շաբաթ
Մայիս 30
USD
483.91
EUR
533.66
RUB
6.83
ME-USD
0.03
Տեսնել լրահոսը

Վանաձոր-Ալավերդի-Վրաստանի սահման (Մ-6) միջպետական ավտոճանապարհի Թումանյան-Բագրատաշենի մաքսային անցակետ 51,74 կմ երկարությամբ հատվածում հիմնանորոգումը շարունակվում է։ Հիմնականում կատարվում են հողային, հորատապայթեցման, ջրահեռացման խողովակների, հենապատերի եւ մայթերի կառուցման աշխատանքներ։

Մասնավորապես, Մ6 միջպետական ճանապարհի՝ Ալավերդի քաղաքի վարչական տարածքով անցնող հատվածում ներկայում իրականացվում են հենապատի կառուցման, ստորգետնյա կապի մալուխների անցկացման համար անհրաժեշտ խողովակների տեղադրման եւ դրա հետ կապված հողային աշխատանքներ։ Նշենք, որ գործող երթեւեկության պայմաններում աշխատանքների՝ միանգամից, ամբողջ ծավալով իրականացումն անհնար է, քանի որ ճանապարհը բավականին նեղ է, եւ այդ պարագայում կփակվի ամբողջ երթեւեկելի մասը։

Այս հանգամանքից ելնելով՝ մոտավորապես մեկ շաբաթ հետո, երբ կապի մալուխների խողովակների մեծ մասը տեղադրված կլինի, եւ փորված խրամուղին կծածկվի, նշված հատվածում կմեկնարկեն հին կոյուղագծերը նորով փոխարինելու աշխատանքները։

Կապալառու կազմակերպության կողմից նաեւ աշխատանքներ են տարվում՝ մինչեւ տարեվերջ նշված հատվածում հիմնական շինարարական աշխատանքներն ավարտելու եւ երթեւեկելի պայմաններ ապահովելու համար։

Տեղեկացնենք, որ նորոգվելու են նաեւ Ալավերդի քաղաքի վարչական տարածքում գտնվող երկու կամուրջները. վերականգնման նախագծային աշխատանքներն ավարտված են, եւ այժմ իրականացվում է կամուրջների վերականգնումը Վանաձոր-Ալավերդի-Վրաստանի սահման (Մ6) միջպետական ավտոճանապարհի վերականգնման եւ բարելավման ծրագրում ներառելու գործընթացը։

Նշենք նաեւ, որ Մ6 միջպետական ճանապարհի վերականգնման վերջնաժամկետը 2020թ. նոյեմբերն է։

Տպել
Կարդացեք նաև
Ամբողջը
Հայտարարվել են Մ6-Եղեգնուտ-Դեբեդ եւ Մ1-Ներքին Սասնաշեն-Մեծաձոր ճանապարհների վերականգնման աշխատանքների մրցույթներ
Մրցույթներին մասնակցել ցանկացող հայտատու կազմակերպությունները պետք է ունենան համապատասխան շինարարական աշխատանքների իրականացման փորձ...
Հայտարարվել են Մ11-Ախպրաձոր ճանապարհի վերականգնման աշխատանքների մրցույթներ
Մրցույթին մասնակցել ցանկացող հայտատու կազմակերպությունները պետք է ունենան համապատասխան շինարարական աշխատանքների իրականացման փորձ...
Պայթեցումներ. Նեղուցի ենթակայանից մինչև Հաղպատի խաչմերուկ տանող հատվածը փակ կլինի
Արագածոտնի մարզի Քարի լիճ տանող ավտոճանապարհին տեղ-տեղ առկա է մերկասառույց…
Դիլիջանի թունելի լուսավորությունն ամբողջությամբ վերականգնվել է
Հիշեցնենք, որ այսօր տեղի էր ունեցել Դիլիջանի թունելը սնուցող էլեկտրական…
Հայտարարվել է Հ46-Խոտ մոտ 2 կմ երկարությամբ ավտոճանապարհի վերականգնման մրցույթ
Մրցույթին մասնակցել ցանկացող հայտատու կազմակերպությունները պետք է ունենան համապատասխան շինարարական աշխատանքների իրականացման փորձ...
Արագածոտնի Քարի լիճ տանող ճանապարհին տեղ-տեղ առկա է մերկասառույց, իսկ Ամբերդ ամրոցի ճանապարհը բաց է
Արտակարգ իրավիճակների նախարարությունը տեղեկացնում է, որ մայիսի 25-ի ժամը 09:00-ի դրությամբ ՀՀ տարածքում ավտոճանապարհները հիմնականում...
Ամենաշատ