News
Լրահոս
News
Երկուշաբթի
Սեպտեմբեր 28
USD
485.27
EUR
565.05
RUB
6.28
ME-USD
0.01
Տեսնել լրահոսը

Ադրբեջանական պատվիրակության անդամները փաստացի մշտապես հանդես են գալիս միատեսակ, միակողմանի, մանիպուլյացիոն հայտարարություններով՝ ձգտելով առաջ մղել ղարաբաղյան հակամարտության կարգավորման հարցի վերաբերյալ իրենց տեսակետը: Այս մասին հոկտեմբերի 10-ին ԵԱՀԿ Խորհրդարանական վեհաժողովի աշնանային նստաշրջանին հայկական պատվիրակության մասնակցությանը նվիրված մամուլի ասուլիսում ասաց հայկական պատվիրակության ղեկավար, «Իմ քայլը» դաշինքի պատգամավոր Հայկ Կոնջորյանը՝ ներկայացնելով ԵԱՀԿ ԽՎ-ում հայկական պատվիրակության աշխատանքը, որն այս տարի հոկտեմբերի 4-6-ը անցկացվել է Մարաքեշում:

Նշենք, որ աշնանային նստաշրջանի շրջանակում տեղի են ունեցել «Եվրոպական-միջերկրածովյան տարածաշրջանում անվտանգության սատարում. ԵԱՀԿ եւ գործընկերների դերը» թեմայով խորհրդարանական համաժողովը եւ «Հյուսիս-Հարավ համագործակցության մոդելները եւ գլոբալիզացված աշխարհում Միջերկրածովյան տարածաշրջանի տնտեսական փոխգործակցությունը» թեմայով միջերկրածովյան համաժողովը:

Պատգամավորը նշեց, որ դրանից բացի, խորհրդարանական համաժողովի շրջանակում քննարկվել են հետեւյալ հարցերը՝ «ԵԱՀԿ եւ Աֆրիկական տարածաշրջանային համագործակցություն ինովացիաների եւ առաջավոր փորձի փոխանակման ոլորտում», «Եվրա-Միջերկրածովյան տարածաշրջանը եւ կլիմայի փոփոխության հետ կապված խնդիրները. Տնտեսական զարգացում եւ բնապահպանական միգրացիա», ինչպես նաեւ «Կրոնական կամ համոզմունքների հիմքով անհանդուրժողության եւ խտրականության դեմ պայքար»:

Կոնջորյանը նշեց, որ նիստի ժամանակ ադրբեջանական պատվիրակությունը կրկին փորձել է անդադառնալ ղարաբաղյան հակամարտության կարգավորման հարցին՝ հիմնախնդիրը ներկայացնելով իր տեսլականի շրջանակում, ինչին հայկական կողմից համարժեք պատասխան է ստացել:

«Ադրբեջանական պատվիրակության անդամները փաստացի մշտապես հանդես են գալիս միատեսակ, միակողմանի, մանիպուլյացիոն հայտարարություններով՝ ձգտելով առաջ մղել այս հարցի վերաբերյալ իրենց տեսակետը: Ինձ համար, իհարկե, անսպասելի չէր, որ նման ելույթներ կլինեն նաեւ այս անգամ, եւ մենք, բնականաբար, միշտ պատրաստ ենք պատշաճ պատասխան տալու»,- շեշտեց խորհրդարանականը:

Նա, մասնավորապես, պարզաբանեց, որ ԵԱՀԿ ԽՎ փոխնախագահ Ազայեմ Գուլիեւը, որը համատեղությամբ նաեւ ադրբեջանական պատվիրակության ղեկավարն է, իր ելույթի ժամանակ Հայաստանի վրա հարձակվեց քննադատությամբ՝ հայտարարելով, որ ղարաբաղյան հակամարտությունը լոկ տարածքային վեճ է, ընդ որում՝ հավելելով, որ, ըստ էության, ոչ մի ղարաբաղցի ժողովուրդ չկա:

Կոնջորյանը նշեց, որ Գուլիեւի ելույթը բավականին երկար էր ու միակողմանի: Այդուհանդերձ, հայկական պատվիրակությունը ադրբեջանցի պատվիրակին պատասխանելու հնարավորությունը բաց չթողեց:

Կոնջորյանի խոսքով՝ նա ելույթ է ունեցել նաեւ բավական երկար մենախոսությամբ, որը տեւել է մոտ 10 րոպե՝ կանոնակարգով սահմանված 3-ի փոխարեն։

Պատգամավորը տեղեկացրեց, որ իր ելույթի ընթացքում հիշեցրել է Ռամիլ Սաֆարովի պատմությունը, որը 2004 թվականին կացնով սպանել էր քնած հայ սպա Գուրգեն Մարգարյանին, նշել ազգային անհանդուրժողության աղետալիորեն բարձր մակարդակի մասին, որը տիրում է Ադրբեջանում հայերի հանդեպ, ընդգծել է, թե մեղմ ասած՝ նման աննպաստ պայմաններում Լեռնային Ղարաբաղի ժողովուրդը ոչ մի դեպքում չի կարող ապրել այդքան բարձր մակարդակի ատելություն եւ անհանդուրժողություն ունեցող հասարակությունում՝ գտնվելով Ադրբեջանի կազմում։ Կոնջորյանը նշել է նաեւ հարեւան երկրում դեմոկրատիայի զարգացման հրեշավոր պայմանների մասին՝ նկատելով, որ իշխանությունն այնտեղ չի փոխվել տասնամյակներ շարունակ, ինչը չի համապատասխանում Ղարաբաղի ժողովրդի ոգուն եւ արժեքներին։ Խորհրդարանականը նաեւ անդրադարձել է Ադրբեջանում մարդու իրավունքների պաշտպանության խնդիրներին եւ նշել, որ Բաքուն ամեն հարմար դեպքում փորձում է մանիպուլացնել ղարաբաղյան կարգավորման հարցն իր շահերից ելնելով։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵԱՀԿ ԽՎ խոսնակն Ադրբեջանին եւ Հայաստանին կոչ է անում վերսկսել բանակցությունները ԵԱՀԿ Մինսկի խմբի հովանու ներքո
Ես խորապես անհանգստացած եմ այս վերջին սրման կապակցությամբ․․․
ԵԱՀԿ գործող նախագահը կոչ է արել անհապաղ ապաէսկալացնել իրավիճակը ղարաբաղյան հակամարտության գոտում
«Ես կոչ եմ անում բոլոր մասնակիցներին անհապաղ վերադառնալ հրադադարի ռեժիմին, քանի դեռ այդ հակամարտության մեջ զոհերի թիվը չի ավելացել»,-ասվում է Ռամայի հայտարարության մեջ…
Կոչ ենք անում կողմերին անհապաղ դադարեցնել ռազմական գործողությունները. ԵԱՀԿ Մինսկի խմբի համանախագահներ
Համանախագահները կոչ են անում կողմերին ձեռնարկել բոլոր անհրաժեշտ միջոցները տեղում իրավիճակը կայունացնելու համար եւ կրկին հայտարարում, որ հակամարտության խաղաղ կարգավորման հարցում բանակցություններին այլընտրանք չկա...
Հայաստանն ու Արցախը համարժեք ռազմական եւ քաղաքական պատասխան կտան Ադրբեջանի ագրեսիային. ԱԳՆ
Նա հայտնել է, որ վաղ առավոտից Հայաստանի ԱԳՆ-ն գտնվում է ԵԱՀԿ Մինսկի խմբի համանախագահության հետ մշտական կապի մեջ, ինչպես նաեւ անցկացվում են հեռախոսազրույցներ տարբեր երկրների գործընկերների հետ...
Ադրբեջանի լայնածավալ սադրանքը նախապես ծրագրված էր. Փաշինյան
Վերջերս Ադրբեջանի ղեկավարության ագրեսիվ հայտարարությունները, լայնամասշտաբ համատեղ ռազմական զորավարժությունները Թուրքիայի հետ, ինչպես նաեւ մոնիթորինգներ անցկացնելու մասին ԵԱՀԿ-ի առաջարկներից հրաժարումը…
Հայաստանը չի դիմել ՀԱՊԿ-ի քարտուղարություն Արցախի դեմ Ադրբեջանի ագրեսիայի կապակցությամբ
Մենք մշտապես ներկայացել եւ ներկայանում ենք հակամարտության խաղաղ կարգավորման օգտին: Լեռնային Ղարաբաղում հակամարտության կարգավորման միջազգայնորեն ճանաչված մեխանիզմը ԵԱՀԿ Մինսկի խումբն է…