ՄԱԿ գլխավոր քարտուղար Անտոնիո Գուտերիշը Սիրիայում հակամարտության ապաէսկալացիայի կոչ է արել, հայտնում է Reuters-ը։
«Ես ուզում եմ իմ խորը մտահոգությունը հայտնել Սիրիայի արեւելյան հատվածում հակամարտության սրման կապակցությամբ։ Ապաէսկալացիայի բացարձակ անհրաժեշտություն կա»,- Կոպենհագենում ասել է նա լրագրողներին։
«Ռազմական գործողությունները պետք է անցկացվեն ՄԱԿ կանոնակարգի եւ միջազգային հումանիտար իրավունքի պահպանմամբ, ես անհանգստացած եմ մարդասիրական խնդիրներով, որոնք գոյություն ունեն ոչ միայն զոհերի, այլեւ տեղափոխության հետ կապված»,- ասել է Գուտերիշը։
