Երեք օտարերկրյա լրագրող է զոհվել սիրիական Ռաս էլ Այն քաղաքի մերձակայքում մեքենաների շարասյունի վրա թուրքական ռազմական ինքնաթիռների հարձակման հետեւանքով, հաղորդում է ՏԱՍՍ-ը՝ հղում կատարելով Al Mayadeen հեռուստաալիքին:
Վերջերս հաղորդվել էր, որ սիրիական Ռաս էլ Այն քաղաքի մերձակայքում մեքենաների շարասյունի վրա թուրքական ռազմական ինքնաթիռների հարձակման հետեւանքով զոհվել է ավելի քան 11 քաղաքացիական անձ եւ մի քանի տասնյակ մարդ՝ վիրավորվել: Շարասյունը, որի ուղղությամբ հարվածներ են հասցվել երկնքից, տեղաշարժվում էր Կամիշլի սիրիական սահմանամերձ քաղաքից դեպի Սիրիայի հյուսիս-արեւելքում գտնվող Ռաս էլ Այն քաղաք:
Նշվում է, որ ուղեւորների շրջանում եղել են լրագրողներ, որոնք ներկայացնում էին օտարերկրյա զանգվածային լրատվամիջոցները: Մասնավորապես, ինչպես նշել են աղբյուրները, ավտոբուսում եղել է մի քանի անգլիացի եւ ֆրանսիացի թղթակից, ինչպես նաեւ տեղական ԶԼՄ-ների ներկայացուցիչներ: Նրանք ուղեւորվում էին քուրդ զինյալ խմբերի եւ թուրք ուժայինների ռազմական գործողությունների գոտի:
