News
Լրահոս
News
Չորեքշաբթի
Նոյեմբեր 13
USD
477.4
EUR
526.81
RUB
7.46
ME-USD
0.06
Տեսնել լրահոսը

Հոկտեմբերի 15-ին տեղի է ունեցել Հանրային խորհրդի փոքր խորհրդի նիստ, որը վարել է խորհրդի նախագահ Վազգեն Մանուկյանը: Օրակարգային առաջին հարցը կապված է եղել խորհրդում Ամուլսարի հարցով աշխատանքային խմբի ձեւավորման հետ: Հիշեցնենք, որ հոկտեմբերի 4-ին Ամուլսարի հանքավայրի հիմնախնդրի վերաբերյալ Հանրային խորհուրդն աշխատանքային փակ նիստ էր անցկացրել՝ հրավիրելով շահագրգիռ բոլոր կողմերին, որի ընթացքում որոշում էր կայացվել ստեղծելու աշխատանքային խումբ հարցի հետագա ուսումնասիրման եւ Հանրային խորհրդի դիրքորոշման ձեւավորման նպատակով:

Աշխատանքային խմբի ձեւավորման հարցով տեղի ունեցած քննարկման ժամանակ կարեւորվել է Ամուլսարի շահագործման խնդրի համակողմանի ուսումնասիրությունը եւ կոնկրետ փաստերի վերհանումը, որը կօգնի հարցին մոտենալ հնարավորինս փաստարկված եւ օբյեկտիվ:

Խորհրդի անդամներից կազմված աշխատանքային խումբն առաջիկայում կհամալրվի նաեւ անկախ փորձագետներով եւ ոլորտի մասնագետներով։

Առաջարկ է հնչել, որ ստեղծվող աշխատանքային խումբը զբաղվի ոչ միայն Ամուլսարի հանքի շահագործման, այլեւ առհասարակ Հայաստանում հանքարդյունաբերության ոլորտի հիմնախնդիրներով եւ վերջնական եզրակացությունը Հանրային խորհուրդ ներկայացնի համակարգային մոտեցմամբ:

Նիստի օրակարգի երկրորդ հարցը վերաբերել է հոկտեմբերի 9-11-ը Բուխարեստում տեղի ունեցած Հանրային խորհուրդների միջազգային ասոցիացիայի գլխավոր ասամբլեայի (AICESIS) արդյունքների վերաբերյալ ՀԽ պատվիրակության անդամների (Գագիկ Եգանյան, Արմեն Տեր-Տաճատյան, Հարություն Մեսրոբյան) կողմից տեղեկատվության տրամադրմանը: Հարություն Մեսրոբյանն ընդհանուր առմամբ բարձր է գնահատել այցի արդյունքները՝ հատկապես առանձնացնելով ասոցիացիայի ղեկավար մարմնի՝ խորհրդի կազմում ՀՀ  Հանրային խորհրդի ներկայացուցչին դիտորդի կարգավիճակ շնորհելու փաստը:

Օրակարգի երրորդ հարցը կապված է եղել Հանրային խորհրդի 15 հանձնաժողովներում կատարված աշխատանքների հետ: Հանձնաժողովների նախագահները ներկայացրել են հակիրճ հաշվետություններ ընթացիկ գործունեության վերաբերյալ եւ անդրադարձել առաջիկա անելիքներին:

Հանրային խորհրդի նախագահն ընդգծել է, որ խորհրդի արդյունավետ գործունեությունը կախված է նախեւառաջ հանձնաժողովների ակտիվ աշխատանքից, որտեղ պետք է մասնագիտորեն քննարկվեն, հասունանան եւ Հանրային խորհուրդ ներկայացվեն մեր երկրի ամենատարբեր ոլորտներում առկա խնդիրները եւ հասարակությանը հուզող հարցերը:

!
Այս նյութը հասանելի է նաև   English
Տպել
Կարդացեք նաև
Ամբողջը
Սոֆյա Հովսեփյանն ստացել է Ամուլսարի վերաբերյալ Շրջակա միջավայրի նախարարության պատասխանը
ԱԺ «Իմ քայլը» խմբակցության անդամ Սոֆյա Հովսեփյանն իր ֆեյսբուքյան էջում հրապարակել է...
«Ուզում են ժողովրդին ահաբեկել». բնապահպանը` Ամուլսարի ճանապարհների ապաշրջափակելու մասին
Նախ եթե որեւէ օբյեկտի նկատմամբ գործ կա դատարանում, ապա տվյալ օբյեկտը, գործելու արտոնությունից զրկվում է, մինչև հարցի լուծում ստանալը...
Շրջակա միջավայրի նախարարությունը մերժել է Լիդիանի ջրօգտագործման հայտը
հայտի ուսումնասիրության արդյունքում պարզվել է, որ Դարբ գետից եւ դրա ջրահավաք ավազանում կան նաեւ այլ ջրօգտագործողներ…
ԷԼԱՐԴ-ի փորձագետներին առաջիկայում հարցաքննության պետք է հրավիրենք․ ՔԿ նախագահ
Գրիգորյանի խոսքով՝ քննությունը կանդրադառնա նաեւ հարցին, թե բնապահպանության նախկին նախարարը․․․
ՀՀ շրջակա միջավայրի նախարարը ներկայացրել է Ամուլսարի վերաբերյալ իր դիրքորոշումը
Որպես քաղաքացի Էրիկ Գրիգորյանը չի պաշտպանում հանքերի շահագործումը...
Ինչու Նիկոլ Փաշինյանը չի հանդգնում բացել Ամուլսարի ճանապարհները.Արգիշտի Կիվիրյան
Սա Սերժի ժամանակների ոստիկանությունը չի, որը իշխանափոխությանը նախորդող…