News
Լրահոս
News
Երկուշաբթի
Նոյեմբեր 18
USD
477.57
EUR
526.28
RUB
7.48
ME-USD
0.06
Տեսնել լրահոսը

Վարչապետ Նիկոլ Փաշինյանն ընդունել է Հայաստանում Հնդկաստանի Հանրապետության նորանշանակ արտակարգ եւ լիազոր դեսպան Կիշան Դան Դեւալին: Այս մասին հայտնում են Կառավարության լրատվական ծառայությունից։

Վաչապետը շնորհավորել է դեսպանին դիվանագիտական առաքելությունը ստանձնելու կապակցությամբ եւ մաղթել արդյունավետ աշխատանք՝ ի նպաստ հայ-հնդկական հարաբերությունների հետագա զարգացման ու ամրապնդման: Կառավարության ղեկավարը նշել է, որ սեպտեմբերին Նյու Յորքում հանդիպում է ունեցել Հնդկաստանի վարչապետ Նարենդրա Մոդիի հետ, որի ընթացքում երկուստեք կարեւորել են տարբեր ոլորտներում կապերի ընդլայնումը, ինչպես նաեւ միջազգային հարթակներում փոխշահավետ համագործակցությունը: Միաժամանակ, վարչապետը նշել է, որ Հայաստանում անցկացվում են տարբեր միջոցառումներ՝ Մահաթմա Գանդիի 150-ամյակի կապակցությամբ, ինչը վկայում է երկու երկրների եւ ժողովուրդների ամուր կապերի մասին: Նիկոլ Փաշինյանը վերահաստատել է Նարենդրա Մոդիին ուղղված Հայաստան այցելելու իր հրավերը եւ համոզմունք հայտնել, որ այցը նոր թափ կհաղորդի Հայաստանի ու Հնդկաստանի միջեւ հարաբերությունների զարգացմանը:

Կիշան Դան Դեւալին շնորհակալություն է հայտնել ջերմ ընդունելության համար եւ նշել, որ կներդնի բոլոր ջանքերը՝ առաքելությունը բարձր մակարդակով իրականացնելու եւ երկու բարեկամ երկրների միջեւ հարաբերությունների զարգացմանը նպաստելու համար: Դեսպանը նշել է, որ իր երկրի կառավարությունը եւս շահագրգռված է Հայաստանի հետ տնտեսական կապերի ընդլայմամբ եւ ամրապնդմամբ:

Հանդիպման ընթացքում զրուցակիցները քննարկել են քաղաքական եւ տնտեսական ոլորտներում փոխգործակցության զարգացմանը վերաբերող տարբեր հարցեր: Մասնավորապես, անդրադարձ է կատարվել տեղեկատվական տեխնոլոգիաների, զբոսաշրջության, բիզնես կապերի խորացման, ներդրումային համատեղ ծրագրերի իրականացման հնարավորություններին եւ այդ ուղղությամբ նախատեսվող քայլերին:

Վարչապետ Փաշինյանը կարեւորել է նաեւ Եվրասիական տնտեսական միության եւ Հնդկաստանի միջեւ ազատ առեւտրի գոտու ստեղծման համաձայնագրի ստորագրումը, ինչը եւս նոր ազդակ կհաղորդի հայ-հնդկական առեւտրատնտեսական հարաբերություններին ու փոխգործակցության ընդլայնմանը:

Կողմերը մտքեր են փոխանակել նաեւ ղարաբաղյան հակամարտության կարգավորման եւ տարածաշրջանային նշանակության հարցերի շուրջ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Փաշինյանը թող բարի լինի հիմնավորել. Արտակ Զաքարյանը՝ ապրիլյան պատերազմի մասին
ՊՆ-ն լավագույնս գիտի, թե որոնք են եղել թերացումները և դրանից հետո ինչ լուծումներ են տրվել...
Բանակցային գործընթացն այժմ շատ ավելի փակուղային է. Արտակ Զաքարյան
Որևէ մեկը չի կարող ասել, թե մենք ժամանակին մատների արանքով ենք նայել կարևոր խնդիրներին...
Լավրովը բավական լուրջ օրակարգով էր եկել Հայաստան. Ռուբեն Հակոբյան
Այնքան հակասող, իրար հետ կապ չունեցող ձեւակերպումներ է տվել Նիկոլ Փաշինյանը, որ դժվար է տրամաբանության շրջանակում տեղավորել...
Արցախն իր ընտրությունը կատարել է. Հայաստանի առաջին օմբուդսմեն
Ամբողջ հայության նպատակը պետք է լինի ադրբեջանա-արցախյան հակամարտությունը աշխարհին ճիշտ ներկայացնելը…
Ով խոսում է, թալանի հոդված են կպցնում պոչին. Հրանտ Մարգարյան
Ես վստահ եմ, որ ինքը ասելու է, որ երբ այդպիսի բան է հայտարարել, հենց դա է նկատի ունեցել...
ՀՀ իշխանությունները կտրականապես չեն ցանկանում պատասխանատվություն վերցնել Արցախի հարցում. Բեքարյան
ՀՀ իշխանությունները չեն ցանկանում պատասխանատվություն վերցնել Արցախի հարցում...