News
Լրահոս
News
Հինգշաբթի
Նոյեմբեր 14
USD
477.51
EUR
525.36
RUB
7.45
ME-USD
0.06
Տեսնել լրահոսը

Հյուսիսատլանտյան դաշինքը կարծում է, որ դեռեւս վաղ է գնահատել Սիրիայի հարցով Ռուսաստանի եւ Թուրքիայի նախագահներ Վլադիմիր Պուտինի եւ Ռեջեփ Էրդողանի պայմանավորվածությունը: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, հաղորդում է ՏԱՍՍ-ը: 

«Կարծում եմ՝ դեռեւս վաղ է գնահատել Պուտինի եւ Էրդողանի կողմից ձեռքբերված համաձայնության հետեւանքներն ու արդյունքները»,- ասել է նա:

Ընդ որում, Ստոլտենբերգը ողջունել է պայմանավորվածությունը, որը, նրա խոսքով, «հանգեցրել է Սիրիայում բռնության նվազեցմանը»: «ՆԱՏՕ-ն ընդգծում է Սիրիայում քաղաքական կարգավորման անհրաժեշտությունը: ՆԱՏՕ-ն ամբողջությամբ աջակցում է այդ հակամարտության կարգավորմանն ուղղված ջանքերին: Վերջերս ես շփվել եմ նախագահ Էրդողանի հետ եւ ես, իհարկե, իմ խորին մտահոգությունն եմ հայտնել՝ կապված Սիրիայում թուրքական գործողությունների հետ: Սակայն ես նաեւ հասկանում եմ, որ մեր դաշնակիցը տառապում է, քանի որ անվտանգության ոլորտում հարցեր են ծագում: Սակայն վերջին օրերին հույս է արթնացել: Ողջունում եմ ԱՄՆ-ի եւ Թուրքիայի պայմանավորվածությունից հետո բռնության զգալի նվազեցումը»,- հավելել է նա:

ՆԱՏՕ-ի պաշտպանության նախարարները, նրա խոսքով, կքննարկեն Սիրիայի հյուսիս-արեւելքում միջազգային վերահսկողությամբ անվտանգության գոտու մասին Գերմանիայի գաղափարը: «Մենք դա կքննարկենք հանդիպման ընթացքում, եւ հուսով եմ, որ Գերմանիայի ՊՆ ղեկավարը բոլոր դաշնակիցների հետ կկիսվի իր առաջարկներով»,- ասել է նա:

Հոկտեմբերի 22-ին Սոչիում Պուտինն ու Էրդողանը Սիրիայի հյուսիս-արեւելքում իրավիճակի կարգավորման հարցով համատեղ գործողությունների մասին հռչակագիր են ընդունել: Փաստաթղթի համաձայն՝ հոկտեմբերի 23-ի կեսօրից ռուսական ռազմական ոստիկանությունն ու սիրիացի զինվորականները կտեղակայվեն Սիրիայում թուրքական գործողությունների գոտու սահմանակից շրջաններում: Քրդական ձեւավորումներին կտրվի 150 ժամ թուրքական սահմանից 30-կիլոմետրանոց գոտին լքելու համար, ինչից հետո Ռուսաստանի եւ Թուրքիայի զինվորականները կսկսեն սահմանի համատեղ պարեկությունը: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիան մասշտաբային գործողություն է սկսել Քրդական աշխատավորական կուսակցության դեմ
Ավելի քան 2 հազար թուրք ուժայիններ մասնակցում են մասշտաբային գործողության...
Թուրքիան սկսել է արտաքսել ԻՊ գրոհայիններին
Ավելի վաղ Թուրքիայի ՆԳՆ ղեկավար Սուլեյման Սոյլուն հայտարարել է, որ Անկարան մտադիր է վերադարձնել ԻՊ գերեվարված գրոհայիններին իրենց ծագման երկրներ...
Էրդողանը Սիրիայում անօրինական է գործում բոլոր առումներով. Ասադ
«Նրանք Էրդողանին առիթ են տվել...
Էրդողանը չի բացառում Պուտինի հետ նոր բանակցություններ անցկացնելու հավանականությունը
«Պուտինի հետ զրույց կարող է տեղի ունենալ ցանկացած պահի: Ամեն ինչ կախված է իրադարձությունների զարգացումից»...
Թուրքիան իրեն իրավունք է վերապահում եւս մեկ գործողություն սկսելու քրդական ուժերի դեմ
Եթե ահաբեկիչները Թուրքիայի սահմաններին մոտենան 30 կմ հեռավորությամբ կամ Սիրիայի ցանկացած շրջանից հարձակումները շարունակեն…
Գերմանիայի բնակիչների մեծ մասը կողմ է Թուրքիայի դեմ պատժամիջոցներ սահմանելուն եւ ՆԱՏՕ-ից Թուրքիային բացառելուն
Հոկտեմբերի 9-ին Անկարան հայտարարեց Սիրիայի հյուսիսում «Խաղաղության աղբյուր» գործողություն սկսելու մասին...
Ֆոտոռեպորտաժներ