News
Լրահոս
News
Երեքշաբթի
Մարտ 19
Տեսնել լրահոսը


Նաիրի Հունանյանը եւ իր խմբի անդամները հոգեկան խնդիրներ  չէին կարող չունենալ, որովհետեւ հոգեկան խեղումներով մարդկանց են միշտ օգտագործում նման հանցագործությունների մղելու համար: Այս մասին այսօր՝ հոկտեմբերի 23-ին, ԱԺ-ում լրագրողների հետ զրույցում նշեց ԱԺ pաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը, ով 1999 թվականի հոկտեմբերի 27-ին վարչապետ Վազգեն Սարգսյանի ազգային անվտանգության, պաշտպանության հարցերով խորհրդականն էր:

Հարցին, թե տեղյա՞կ է, թե ինչ վիճակում է հիմա Նաիրի Հունանյանը, Անդրանիկ Քոչարյանը պատասխանեց. «Ես գիտեմ, որ հոգեկան խնդիրներ ունեցել է իր մայրը, որը մի քանի տարի առաջ մահացավ: Հոգեկան խնդիրներ ունենալու մասին խոսել են իր քեռու՝ Վռամ Գրիգորյանի վերաբերյալ, որը մեկուսարանում կախվեց»:

Նա հավելեց, որ այս տարիների ընթացքում չի տեսել եւ ցանկություն էլ չի ունեցել տեսնելու Նաիրի Հունանյանին. «Բայց եթե Նաիրի Հունանյանը պատրաստ լինի էական, մինչեւ հիմա հասարակությանն համար անհայտ դրվագներ նախաքննական մարմինի ներկայացնելու, այդ ժամանակ ես եւ բոլոր այն մարդիկ, որոնք այդ ժամանակվա իշխանության մեջ ունեցել են դերակատարում, մենք կփորձենք այդ հնարավորությունը լիարժեք իրացնել՝ հնարավորություն տալով գործի լիարժեք բացահայտումը դարձնել իրականություն»:

Հարցին, թե կարո՞ղ է նրա կողմից ազատ արձակման խնդրանքով դիմելը ազդակ լինի, որ ասելիք ունի, հանձնաժողովի նախագահն արձագանքեց. «Ոչ, դա կարող է այլ ազդակ էլ լինել: Երեւի ինչ-որ մարդիկ իրեն հույս են տվել, որ դու հնարավորություն ունես ազատության մեջ հայտնվելու, բայց դա հաստատ իշխանությունների հետ ոչ մի կապ չունի:

Եթե ուշադիր նայեք 1999 թվականին լրատվական դաշտում տիրող իրավիճակը, թե ինչ խոսակցություններ էին տանում դեռ նոր ձեւավորված իշխանության նկատմամբ, ինչպիսի մթնոլորտ էին ձեւավորում տարբեր լրատվամիջոցներ Վազգեն Սարգսյանի եւ Կարեն Դեմիրճյանի լեգիտիմ իշխանության բնույթի մասին, դուք կհասկանաք, որ այսօր էլ այդպիսի լրատվական ահաբեկչական գործողություննների  ականատեսն ենք լինում այն բոլոր հնարավոր լիարժեք բացահյտումների շեմին, որին մեր հասարակությունը սպասել է եւ ունի հնարավորություն դա տեսնելու:

Խոսքը միայն «Մարտի 1»-ի մասին չէ, մենք 20 տարի սպասել ենք նաեւ «Հոկտեմբերի 27»-ի բացահայտմանը: Այդ ահաբեկչական գործողություն հետեւանքով էր, որ ձեւավորվեց այն իշխանությունը, որը մեր երկիրը 20 տարի տարավ օլիգարխիկ, կոռուպցիոն համակարգ»,-ասաց նա:

!
Այս նյութը հասանելի է նաև   English
Տպել
Կարդացեք նաև
Ամբողջը
Ռուսաստանը հայտնել է, որ Ղրիմում ահաբեկչություն է կանխել
Կնոջ մոտից առգրավվել են ինքնաշեն հրկիզող սարքեր և կապի միջոցներ, որոնց վրա հայտնաբերվել է նամակագրություն ուկրաինացի համակարգողի հետ...
Սահմաններին վնասազերծվել է ավելի քան 4000 ահաբեկչական խմբավորում. Իրանի սահմանային ոստիկանության պետ
Սահմանապահ ծառայության օպերատիվ կարողություններն ու բարելավվել են․․․
ԱՄՆ դեսպանատունը նախազգուշացրել է առաջիկա երկու օրվա ընթացքում Մոսկվայում ահաբեկչությունների սպառնալիքի մասին
Ռուսական իշխանությունները դեռ չեն մեկնաբանել ամերիկյան դիվանագիտական ​​ներկայացուցչության հայտարարությունը...
Ռուսաստանը Գարրի Կասպարովին ավելացրել է ծայրահեղականների և ահաբեկիչների ցուցակ
2012 թվականին նա ընտրվել է Ռուսաստանի ընդդիմության համակարգող խորհրդի անդամ...
AFP. Բելգիայում ահաբեկչություն նախապատրաստելու մեջ կասկածվող երեք դեռահասներ ձերբակալվել են Ֆրանսիայում
Գործակալության փոխանցմամբ՝ «15-ից 17 տարեկան երեք դեռահասներ ձերբակալվել են Ֆրանսիայի երեք...
ԱԷՄԳ-ն կօգնի Ճապոնիային ապահովել ամենամեծ ԱԷԿ-ի պաշտպանությունն ահաբեկչություններից. Kyodo
ԱԷՄԳ մասնագետները կօգնեն Ճապոնիային...
Ամենաշատ