«Յունիբանկը» պատրաստակամություն է հայտնել փոխհատուցել Շարմ Էլ Շեյխ մեկնած հայ ամուսինների ծախսերը, որպեսզի զույգը կարողանա վերադառնալ Հայաստան։ Այս մասին այսօր՝ նոյեմբերի 11-ին, NEWS.am-ին հայտնեց «Յունիբանկի» հասարակայնության բաժնի ղեկավար Լուսինե Խաչատրյանը։
««Յունիբանկը» պատրաստակամություն է հայտնել փոխհատուցել ծախսերը, որպեսզի զույգը կարողանա վերադառնալ Հայաստան։ «Յունիբանկը» կհոգա եւ հյուրանոցային, եւ հիվանդանոցային ծախսերը»,-ասաց Լուսինե Խաչատրյանը։
Ավելի վաղ NEWS.am-ը հայտնել էր, որ Հայաստանից Եգիպտոսի Շարմ Էլ Շեյխ քաղաք հանգստի մեկնած ամուսիններ Նարեկ Հովհաննիսյանը եւ Լիլիթ Առաքելյանը դժվար դրության մեջ են հայտնվել։ Նրանք խաղարկությամբ շահել են հանգստի տոմս, սակայն Շարմ Էլ Շեյխ քաղաք Ժամանելուն պես 7-ամսական հղի կինն անսպասելիորեն ծննդաբերել է, եւ այժմ նրանք ֆինանսական խնդիրներ ունեն այնտեղ։
