«Իսլամական պետություն» ահաբեկչական խմբավորումն իր վրա է վերցրել Սիրիայում երկու հայ հոգեւորականների սպանության պատասխանատվությունը, Twitter-ի իր միկրոբլոգում հայտնում է քրդական Rudaw հեռուստաալիքը։
Ինչպես հայտնել էին ավելի վաղ, Սիրիայում սպանվել են Ղամիշլիի Հայ կաթոլիկ համայնքի վանահայր տեր Հովսեփ Պետոյանը եւ նրա հայրը՝ քահանա Աբրահամ Պետոյանը։
Հոգեւորականները սպանվել են ավտոմեքենայում, Դեյր Էզ Զոր գնալու ճանապարհին։ Ահաբեկիչները կրակ են բացել ավտոմեքենայի ուղղությամբ։ Աբրահամ Պետոյանը տեղում մահացել է, մի քանի րոպե անց մահացել է նաեւ Հովսեփ Պետոյանը։ Հրաձգության հետեւանքով վիրավորվել է եկեղեցու սպասավոր Ֆաթի Սանոնը։
Ահաբեկիչները Ղամիշլիում սպանել են Հայ Կաթողիկե համայնքի հովվապետին ու նրա հորը (վիդեո)
#BREAKING: Islamic State claims responsibility for the killing of Ibrahim Hanna, an Armenian Catholic priest, and his father in the eastern #Syria province of Deir ez-Zor on Monday via its propaganda channels on Telegram. pic.twitter.com/xAsQOPM5Z8
— Rudaw English (@RudawEnglish) November 11, 2019
