News
Լրահոս
News
Երեքշաբթի
Մարտ 19
Տեսնել լրահոսը


Ռուսաստանի Դաշնության մայրաքաղաք Մոսկվայում նոյեմբերի 19-ին կայացել է «Խորհրդարանական խմբակցությունների փոխգործակցության դերը քաղաքական կուսակցություններում եւ դաշինքներում՝ ԱՊՀ երկրների միջխորհրդարանական համագործակցության մեջ» թեմայով միջազգային խորհրդաժողովը:

Աշխատանքային քննարկումները միտված են եղել միջկուսակցական եւ միջխորհրդարանական փոխգործակցության ամրապանդմանը:

Համաժողովին ելույթ է ունեցել  ՀՀ ԱԺ նախագահի տեղակալ, «Բարգավաճ Հայաստան» կուսակցության փոխնախագահ Վահե Էնֆիաջյանը:

«Տիկնայք եւ պարոնայք, «Խորհրդարանական խմբակցությունների փոխգործակցության դերը քաղաքական կուսակցություններում եւ դաշինքներում` ԱՊՀ երկրների միջխորհրդարանական համագործակցության մեջ» միջազգային խորհրդաժողովի հարգելի մասնակիցներ, հարգելի Սերգեյ Իվանովիչ, շնորհակալություն եմ հայտնում միջազգային խորհրդաժողովին հրավիրելու համար: Ողջունում եմ Ռուսաստանի Դաշնության Պետդումայի բոլոր ներկաներին:

Հարգելի գործընկերներ, մեր միջեւ սերտ դաշնակցային, միջկուսակցական եւ միջխորհրդարանական հարաբերություններ են, որոնք բնութագրվում են փոխադարձ այցելությունների եւ հանդիպումների մեծ ինտենսիվությամբ՝ ամենաբարձր մակարդակներում:

Երկու բարեկամ երկրների միջեւ կնքվել են ավելի քան 250 միջպետական, միջկառավարական եւ միջգերատեսչական պայմանագրեր եւ համաձայնագրեր՝ ներառյալ Բարեկամության պայմանագիրը:

Սիրելի ընկերներ, այս տարի լրացավ «Բարգավաճ Հայաստան» կուսակցության եւ «Միասնական Ռուսաստան» կուսակցության համագործակցության հուշագրի ստորագրման 10 տարին: Մեր կուսակցության նախագահ Գագիկ Ծառուկյանը բազմիցս շեշտել է, որ ժամանակն է ամրապնդել մեր բարեկամական հարաբերությունները, եւ որ մենք պատրաստ ենք շարունակել մեր նախագծերը, ծրագրերը եւ աջակցությունը, քանի որ նման հարաբերությունները նպաստում են մեր երկրների բարգավաճմանը:

Մեր համագործակցությունն առաջնային է եւ ռազմավարական մոտեցում ունի: Ընթացիկ տարվա հոկտեմբերի 12-ին՝ պարոն Նեւերովի գլխավորությամբ պաշտոնական այցի ընթացքում համաձայնություն է ձեռք բերվել ստեղծելու աշխատանքային խումբ, որը կզբաղվի միջխմբակային եւ միջկուսակցական կապերի, երիտասարդական ծրագրերի, ինչպես նաեւ միջազգային վայրերում գործընկերության խնդիրների լուծմամբ:

Աշխարհը զարգանում է, եւ այն խնդիրները, որոնց առջեւ մենք կանգնած ենք, նույնպես զարգանում են: Եվ ցանկացած դժվարություն կարելի է հաղթահարել միայն միասնական եւ գրագետ աշխատանքի շնորհիվ: Աշխարհաքաղաքական զարգացումները մեզ ասում են, որ մենք միշտ պետք է պատրաստ լինենք ցանկացած տեսակի փոփոխության:

Վերոնշյալը նաեւ բարձրաձայնել եմ սեպտեմբերի 27-28-ը Կալինինգրադում տեղի ունեցած՝ «Եվրոպայում անվտանգության եւ համագործակցության ամրապնդման հեռանկարները եւ հնարավորությունները» միջազգային գիտաժողովի իմ զեկույցում: Հիշեցնեմ, որ գիտաժողովին մասնակցում էին անվտանգության փորձագետներ, ինչպես Ռուսաստանի, այնպես էլ միջազգային անվտանգության համագործակցության կառույցներ,  ավելի քան 30 եվրոպական պետություններ: Երկօրյա ակտիվ քննարկումներ տեղի ունեցան տարբեր երկրների քաղաքական կառույցների ներկայացուցիչների մասնակցությամբ:

Այնուհետեւ իմ եւ գործընկերներիս գաղափարները տեղ գտան՝ «21-րդ դարի Եվրոպայում անվտանգությունն ու համագործակցությունը» փաստաթղթերի հոդվածների ժողովածուի մեջ: Պարոն Կլիմովը կհաստատի, որ այսպիսի միջոցառումը թույլ է տալիս իրավիճակը դիտարկել այլ տեսանկյունից եւ գտնել նոր առաջարկներ եւ տեսլականներ:

Հարգելի գործընկերներ, մենք մշտապես կարեւորում ենք մեր համագործակցությունը, որը զարգանում է ամենաբարձր մակարդակով՝ մեր կուսակցության նախագահի՝ «Բարգավաճ Հայաստան» խմբակցության ղեկավար Գագիկ Ծառուկյանի գլխավորությամբ, փոխնախագահների, երկու հանձնաժողովների նախագահների եւ երկու կողմերի կուսակցական կառույցների ղեկավարների:

Վստահ եմ, որ պետք է ամրապնդենք երկու երկրների ժողովուրդների միջեւ բարեկամությունը՝ դաշնակցային լայն փոխգործակցության, բոլոր ոլորտներում հարաբերությունների ինտենսիվ խորացման, կայուն խաղաղության, երաշխավորված անվտանգության ապահովման միջոցով, ինչպես Կովկասի տարածաշրջանում, այնպես էլ  ամբողջ աշխարհում:

Հարգելի գործընկերներ, թույլ տվեք եւս մեկ անգամ շնորհակալություն հայտնել հրավերի եւ վստահության համար. այս խորհրդաժողովը լավագույն հարթակներից մեկն է միջխմբակցային եւ միջկուսակցական համագործակցությանն առնչվող հարցերի քննարկման համար:

Խորհրդաժողովի բոլոր մասնակիցներին մաղթում եմ արդյունավետ աշխատանքային քննարկումներ»:

Տպել
Կարդացեք նաև
Ամբողջը
ԱՊՀ երկրների կառավարությունների ղեկավարների խորհրդի նիստը տեղի կունենա մայիսի 24-ին Աշգաբադում
ԱՊՀ երկրների կառավարությունների ղեկավարների խորհրդի անդամները կքննարկեն խորհրդի արտահերթ նիստի օրակարգը...
Բելառուսի Պետական անվտանգության կոմիտեի ղեկավարը մեղադրել է Արևմուտքին ՌԴ տարածքում ահաբեկչություններ կազմակերպելու մեջ
«Բելառուսի տարածքն առանցքային նշանակություն ունի եվրասիական տարածաշրջանում գերակայության համար ապագա դիմակայությունում»․․․
Պուտինը հայտարարել է ԱՊՀ երկրների հետ համագործակցության առաջնահերթության մասին
Նրա խոսքով, ռուսական դիվանագիտությունը միտված է շարունակել զգալի ներդրում ունենալ պետության դինամիկ զարգացման համար արտաքին բարենպաստ պայմանների ստեղծման...
«Ադրբեջանի ղեկավարությունը ձգտում է խաղաղությունը հուսալի դարձնել». ԱՊՀ գլխավոր քարտուղարի տարօրինակ հայտարարությունը
«Ալիևը հաղթանակը կարող է նպաստել ջանքերի ակտիվացմանը»․․․
ԱՊՀ գծով գործընկերները շահագրգռված են Հարավային Կովկասում խաղաղության լիակատար վերականգնմամբ. Սերգեյ Լեբեդեւ
Մենք հետաքրքրված ենք Հարավային Կովկասում խաղաղության լիակատար վերականգնմամբ...
Ronesans թուրքական շինարարական հոլդինգը դադարեցրել է գործունեությունը Ռուսաստանում
Երկու տարում հոլդինգը վաճառել է իր տարածաշրջանային բիզնեսը...
Ամենաշատ