«Լուսավոր Հայաստանը» արձագանքել է երկրում քաղաքական ճնշումների անթույլատրելի դրսեւորումներին՝ սկսած մարտի 1-ի գործով դատավար Աննա Դանիբեկյանի վրա ճնշումներից եւ վերջացրած ԱԺ աշխատակազմի ղեկավարի նախկին տեղակալ Արսեն Բաբայանի ձերբակալությամբ: Այս մասին ԱԺ-ում մամուլի ասուլիսի ժամանակ հայտարարեց «Լուսավոր Հայաստան» կուսակցության եւ խմբակցության ղեկավար Էդմոն Մարուքյանը՝ մեկնաբանելով Զագրեբում ԵԺԿ գագաթաժողովի շրջանակում երրորդ նախագահ Սերժ Սարգսյանի ելույթը: «Եթե քաղաքական հետապնդում սկսվի կոնկրետ մարդու նկատմամբ, մենք համապատասխան հայտարարություն կանենք»,- ասաց Մարուքյանը:
Հիշեցնենք, որ իր ելույթում Սարգսյանը հայտարարել է Հայաստանում ժողովրդավարական եւ սահմանադրական նորմերի խախտման մասին: Նրա կարծիքով՝ խախտվել է դատական իշխանության գործառույթը, եւ քաղաքական հետապնդումներ են անցկացվում, իսկ անհանդուրժողականությունն ու ատելությունը հասել են մտահոգություն առաջացնող մասշտաբների: