ՀՀ երկրորդ նախագահ Ռոբերտ Քոչարյանի գործով դատական նիստի ժամանակ միջադեպ տեղի ունեցավ, որը սադրեց նախկին նախագահի հակառակորդներից մեկը:
Դատավոր Աննա Դանիբեկյանը տեղեկացրեց, որ դատական կարգադրիչն իրեն հայտնել է, որ փաստաբան Միհրան Պողոսյանի եւ դատախազ Գեւորգ Բաղդասարյանի միջեւ տեղի ունեցած լեզվակռվի ընթացքում քաղաքացի Նելլի Միքայելյանը վիրավորական արտահայտություն է արել փաստաբանի հասցեին:
Դատական կարգադրիչները փորձել են զսպել քաղաքացուն, սակայն հակառակ արդյունքն է ստացվել. կինը հարվածել է դատական կարգադրիչին եւ վիրավորել դատարանի կարգը պահպանողներին:
Աննա Դանիբեկյանի որոշմամբ ագրեսիվ կնոջ նկատմամբ դատական սանկցիաներ են կիրառվել՝ մինչ գործընթացի ավարտը դահլիճում գտնվելու արգելքի տեսքով: