News
Լրահոս
News
Հինգշաբթի
Դեկտեմբեր 09
Տեսնել լրահոսը

«Սիրիական դեմոկրատական ուժերի» (SDF, ՍԴՈւ) արաբա-քրդական ջոկատները հայտարարել են, թե ԱՄՆ գլխավորած միջազգային կոալիցիայի զինվորականները վերադարձել են Սիրիայի հյուսիս-արեւելք, տեղեկացնում է ՌԻԱ «Նովոստի»-ն։

SDF-ն նոյեմբերի 6-ին հայտարարել էր միջազգային կոալիցիայի զորքերի հետ համագործակցության վերսկսման մասին այն բանից հետո, երբ հոկտեմբերին ԱՄՆ նախագահ Դոնալդ Թրամփը հայտնել էր բոլոր զորքերը Սիրիայից հանելու մտադրության մասին, իսկ հետո որոշել դրանք թողնել՝ նավթավայրերի պաշտպանության պատրվակով։

«Սիրիական դեմոկրատական ուժերը» միջազգային կոալիցիայի հետ համատեղ ավարտել են վերատեղակայումը Ջազիրա շրջանում (Հասեկե, Ղամշլի, Դերիք քաղաքներ) եւ Դեյր էզ Զորում, եւ շարունակում են ԻՊ «քնած օղակների» հայտնաբերման համատեղ աշխատանքը»,- ասվում է ՌԻԱ «Նովոստիի» ստացած հայտարարությունում, որն արել է SDF ներկայացուցիչ Կինո Գաբրիելը։

Հայտարարության համաձայն՝ SDF-ն եւ կոալիցիան «կպաշտպանեն խաղաղ բնակիչներին ահաբեկչական գրոհներից եւ կպաշտպանեն նավթա- եւ գազավայրերը նշված շրջաններում»։

Պենտագոնի ղեկավար Մարկ Էսփերը նոյեմբերի 12-ին ասել էր, որ վերջնական որոշումը, թե ԱՄՆ քանի զինծառայող կմնա Սիրիայում, առայժմ ընդունված չէ։ Ավելի վաղ Պենտագոնի Շտաբերի պետերի միավորված կոմիտեի նախագահ, գեներալ Մարկ Միլին տեղեկացրել էր, որ Սիրիայում կմնան 500-600 ամերիկացի զինծառայողներ։

Թրամփը ԱՄՆ զինվորականների դուրսբերման մասին հայտարարել էր Սիրիայի հյուսիս-արեւելքում քրդական կազմավորումների դեմ Թուրքիայի գործողության ֆոնին։ Վաշինգտոնն ավելի ուշ հայտարարել էր, թե ամերիկյան զինծառայողները կմնան երկրի արեւելքի նավթաբեր շրջաններում եւ կօգնեն տեղի քրդերին՝ վերահսկել դրանք։

ԱՄՆ-ը եւ նրա դաշնակիցները 2014-ից Սիրիայում եւ Իրաքում ռազմական գործողություն են իրականացնում ԻՊ ահաբեկչական խմբավորման դեմ, ընդ որում՝ Սիրիայում գործում են առանց երկրի իշխանությունների թույլտվության։ Ավելի վաղ ԱՄՆ-ն արդեն հայտարարել էր «ահաբեկչական խալիֆայության» ոչնչացման մասին, բայց մտադիր է մնալ Սիրիայում, որպեսզի «թույլ չտա դրա վերածնունդը»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԶԼՄ․ Թուրքիայում ձերբակալել են Քրդստանի բանվորական կուսակցության հետ կապ ունեցող 17 անձի
Ձերբակալվածներին տեղափոխել են տեղի ոստիկանական բաժանմունքներ․․․
Ժամանակը Թուրքիայի օգտին չի աշխատում. Մեզ պետք է ժամանակ շահել. Ստեփան Դանիելյան
Թուրքիայում շատ լավ են հասկանում ու հիմիկվա իրենց ագրեսինա հենց այդ՝ ժամանակ չունենալու գիտակցությունից է գալիս…
Քրդերը ոչ թե հարցի անուն են, այլ այդ հարցի տուժված կողմը. Դավութօղլու
Դավութօղլուն, դիմելով քուրդ երիտասարդներին, հայտարարել է, որ երիտասարդների տեղը ոչ թե լեռներում զենքով պայքարն է, այլ...
«Քրդստանի համայնքների միություն». Հրդեհների պատճառով Թուրքիայի որոշ շրջաններում քրդերի իսկական որս է սկսվել
Թուրքիային սուր քննադատության են ենթարկել հրդեհների դեմ ժամանակին միջոցներ չձեռնարկելու համար․․․
Էրդողանը քրդերին կապել է երկրում մոլեգնող անտառային հրդեհների հետ
Նրա խոսքով՝ ոստիկանությունը, հետախուզական ծառայությունը եւ ժանդարմերիան շարունակում են իրենց հետաքննությունները․․․
Թուրքիայի ՍԴ-ն մեղադրական եզրակացություն է ընդունել «Ժողովուրդների դեմոկրատիա» կուսակցությունն արգելելու պահանջով
«Ժողովուրդների դեմոկրատիան» քրդամետ կուսակցություն է...
Ամենաշատ