Ֆրանսիայի նախագահ Էմանուել Մակրոնը կարծում է, որ ՆԱՏՕ-ի «ուղեղի մահվան» մասին իր հայտարարությունը «ռազմական դաշինքի ուղղության մասին ճիշտ բանավեճեր» է հրահրել, հայտնում է Reuters-ը։
«Այո, անկասկած։ Փաստորեն դա թույլ տվեց մեզ կարեւոր քննարկումներ սկսել»,- հայտարարել է Մակրոնը՝ Ուոտֆորդում, որտեղ տեղի է ունենում ՆԱՏՕ-ի երկրների ղեկավարների գագաթաժողովը, պատասխանելով լրագրողների հարցերին։
Ըստ նրա՝ խոսքն այն մասին է, թե ինչպես ամուր խաղաղություն ստեղծել Եվրոպայում եւ հասկանալ՝ ով է թշնամին։» Այդ պատճառով ես կարծում եմ՝ մեր պատասխանատվությունը նրա մեջ է, որ պարզենք անհասկանալի բաները եւ զբաղվենք իրական ռազմավարական բանավեճերով։ Դա սկսվել է, ես բավարարված եմ»։
