Կիպրոսի իշխանությունները որոշել են հայց ներկայացնել Հաագայի Միջազգային դատարան Թուրքիայի դեմ՝ կիպրոսյան ջրերում հորատումների հետ կապված, տեղեկացնում է AP-ը։
Կիպրոսի նախագահ Նիկոս Անաստասիադեսը հայտարարել է, որ այդ որոշումը իր կառավարության պարտավորության մի մասն է՝ օգտագործելու բոլոր օրինական միջոցները էթնիկ հողի վրա բաժանված Կիպրոսի ինքնիշխան իրավունքների պաշտպանության համար։ Նրա խոսքով՝ Թուրքիան տեղեկացված է դատական հայցի մասին Հունաստանի մայրաքաղաքում իր դեսպանության միջոցով։
Թուրքիան, որը չի ճանաչում Կիպրոսը որպես պետություն, զբաղվում է հորատմամբ այն ջրերում, որոնք Կիպրոսի բացառիկ տնտեսական գոտու մասն են կազմում։
Անկարան հավակնում է Կիպրոսի բացառիկ տնտեսական գոտու կեսին եւ հայտարարում է, որ գործում է իր ու անջատողական թուրք-կիպրոսցիների էներգետիկ իրավունքների պաշտպանության համար։
