News
Լրահոս
News
Շաբաթ
Հունվար 18
USD
479.61
EUR
533.71
RUB
7.81
ME-USD
0.06
Տեսնել լրահոսը

Ֆրանսիան մերժել է ԱՄՆ առաջարկը, որը թույլ կտար ընկերություններին հրաժարվել առաջարկվող միջազգային հարկային բարեփոխումից, ասել է ֆինանսների նախարար Բրունո լը Մերը՝ կոչ անելով Վաշինգտոնին բարեխիղճ բանակցություններ վարել, տեղեկացնում է Reuters-ը։

ԱՄՆ ֆինանսների նախարար Սթիվեն Մնուչինը լուրջ հարցեր է բարձրացրել ՏՀԶԿ առաջարկների մասին՝ միջազգային հարկային բարեփոխման վերաբերյալ չորեքշաբթի հրապարակված նամակում, կոչ անելով միջազգային պաշտոնյաներին առաջ մղել «անվտանգ հանգրվանի ռեժիմի» գաղափարը։

Լը Մերը նշել է, որ դա կնշանակի, որ ամերիկյան ընկերությունները կարող են իրենց հայեցողությամբ մասնակցել կամ հրաժարվել դրանից, ինչը, ըստ նրա, անընդունելի է Ֆրանսիայի եւ ՏՀԶԿ մյուս երկրների համար։

Նա Վաշինգտոնին կոչ է արել բանակցել նոր հարկային կանոնների պարտավորության հիման վրա, եւ ասել է, որ եթե ՏՀԶԿ ջանքերը ուղղվեն ԵՄ երկրներին, պետք է վերսկսել բանակցությունները եվրոպական թվային հարկի մասին։

!
Այս նյութը հասանելի է նաև   English and Русский
Տպել
Ամենաշատ