News
Լրահոս
News
Երկուշաբթի
Հունվար 27
USD
478.87
EUR
528.43
RUB
7.75
ME-USD
0.06
Տեսնել լրահոսը

«Լիդիան Արմենիա» ընկերությունը կատարել է Ամուլսարի հարակից համայնքների հողի վարձակալության վճարումներ, որը կազմել է շուրջ 930 000 ԱՄՆ դոլար։ Այս մասին հայտնում են «Լիդիան Արմենիա»-ի լրատվության ծառայությունից;

«Լիդիանի» մուտքն Ամուլսարի տարածք ապօրինի շրջափակված է 2018թ. հունիսից ի վեր: Չնայած դատարանի որոշմանը, որ պատկան մարմինները պարտավոր են վերականգնել «Լիդիանի» անխափան մուտքն Ամուլսարի տարածք, ճանապարհները շարունակում են մնալ շրջափակված: Այնուամենայնիվ, «Լիդիանը» շարունակել է իրականացնել պայմանագրային իր պարտավորությունները եւ կատարել է հողի վարձակալության վճարումները համայնքային բյուջեներ: Որպես թափանցիկության պարտավորություն «Լիդիանը» ամեն տարվա ավարտին հրապարակում է համայնքային բյուջեներ կատարված վճարումները:

2019թ. համայնքներին ընդհանուր վճարվել է 930 797 ԱՄՆ դոլարին համարժեք դրամ, որից՝

Ջերմուկ/Գնդեվազ – 408 228 ԱՄՆ դոլար

Զառիթափ/Սարավան – 268 726 ԱՄՆ դոլար

Գորայք – 253 844 ԱՄՆ դոլար

2008-2019թթ. «Լիդիանը» նշված համայնքներին հողի վարձակալության դիմաց վճարել է ընդհանուր ավելի քան 6 մլն ԱՄՆ դոլար:

ՀՀ օրենսդրության համաձայն, ընկերությունը որեւէ իրավունք կամ լծակ չունի վերահսկելու, թե ինչպես են ընկերության կողմից վճարված գումարները օգտագործվում տեղական համայնքների եւ վարչական մարմինների կողմից: Այնուամենայնիվ, համայնքի բնակիչները իրավունք ունեն իրենց համայնքներից պահանջելու հողի վարձակալության դիմաց վճարված գումարների տնօրինման վերաբերյալ թափանցիկություն եւ հաշվետվողականություն:

Նախկինում որոշ համայնքներ «Լիդիանից» ստացված հողի վարձակալության վճարները ուղղել են համայնքային ենթակառուցվածքների բարելավմանը: Օրինակ՝ Գորայք համայնքը ամբողջովին արդիականացրել է խմելու ջրի եւ կոյուղու համակարգերը: «Լիդիան Արմենիան» բավարար տեղեկատվություն չունի այն մասին, թե ինչ նպատակներով է ծախսվել համայնքային բյուջեներ վճարված ավելի քան 6 մլն ԱՄՆ դոլարը վերջին տարիների ընթացքում:

Արտագաղթը աճում է

Տարեվերջին մենք նաեւ ամփոփել ենք Ամուլսարի հարակից համայնքներում արտագաղթի վերաբերյալ հասանելի տվյալները: Բոլոր համայնքներում թե՛ ժամանակավոր, թե՛ մշտական արտագաղթի զգալի աճ է գրանցվել ճանապարհների ապօրինի շրջափակումից ի վեր: Թե՛ մշտական, թե՛ ժամանակավոր արտագաղթածների թիվը 2019թ-ին 2017թ-ի համեմատ աճել է 2,6 անգամ (համապատասխանաբար 390/148, 90/34): Ընդհանուր 2019թ. 390 մարդ արտագաղթել է ժամանակավոր աշխատանք գտնելու նպատակով եւ 90 մարդ՝ մշտական:

Տվյալները հավաքագրվել են համայնքներից՝ Ջերմուկի զբաղվածության կենտրոնից եւ մյուս համայնքների տեղական կառավարման մարմիններից եւ համայնքի ներկայացուցիչներից: Պետք է նկատի ունենալ, որ արտագաղթի տվյալները կարող են տատանվել, քանի որ մարդիկ շարունակաբար տեղաշարժվում են: Ներկայացված թվերը հիմնված են տվյալ ժամանակահատվածի համար համայնքներում հասանելի հնարավորինս ստույգ տվյալների վրա: Այնուամենայնիվ, աշխատատեղերի եւ բիզնես հնարավորությունների բացակայության հետեւանքով արտագաղթի աճի տեմպերը ակնհայտ են՝ ներկայացված տվյալներից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». Ամուլսարի հարցով նոր զարգացումներ են սպասվում. «Լիդիանը» անգամ քննարկում է ծրագիրը վաճառելու տարբերակը
Տորոնտոյի ֆոնդային բորսան Լիդիան ընկերությանը հանել է բորսայի ցուցակներից
Ընկերության արժեթղթերի վաճառքը նույնպես կասեցված է…
Ամուլսարի շահագործումը կարող է տորպեդահարել Ջերմուկում զբոսաշրջությունը. ԱԺ պատգամավոր
Խորհրդարանում ձեւավորված ժամանակավոր քննիչ հանձնաժողովը շուտով հրավիրելու է ընկերության ներկայացուցիչներին եւ բնապահպաններին…
«Ներդրման դեմը կտրել են, նարդի են խաղում». Ամուլսարի պահապանները Ամանորը կդիմավորեն պոստերում
Էս նախատոնական նարդի, բլոտ եք խաղում հա՞…
«Լիդիան Արմենիային» Ամուլսարը շահագործելու թույլտվություն տալով 11 օրենք և 9 միջագային պայմանագիր է խախտվել. Զոհրաբյան
Ոնց հասկացա, «Լիդիան Արմենիա» ընկերությունը ինձանից բացի ուրիշ հերոսի անուն չգիտի…
«Լիդիանը» պաշտպանության համար դիմել է կանադական դատարան և աշխատելու է Ամուլսարի ծրագրի հնարավոր վաճառքի ուղղությամբ
Աշխատելու է Ամուլսարի ծրագրի հնարավոր վաճառքի, վերաֆինանսավորման եւ/կամ ՀՀ կառավարության դեմ արբիտրաժային գործընթացի ուղղությամբ...