News
Լրահոս
News
Ուրբաթ
Հունիս 14
Տեսնել լրահոսը

Տարածաշրջանում աշխարահաքաղաքական ուժերի վերադասավորություն է տեղի ունեցել, ինչի արդյունքում ԱՄՆ–ն վերջնական համարեց Թուրքիայի կողմից ռուսական S-400 կայանքների գնումը։ Այս մասին NEWS.am–ի հետ զրույցում հայտնեց թուրքագետ Անդրանիկ Իսպիրյանը։

Թուրքագետի խոսքով՝  ԱՄՆ Սենատի կողմից Հայոց ցեղասպանության բանաձեւը միաձայն ընդունելը կապված է վերջին տարիներին ԱՄՆ–Թուրքիա հարաբերություններում մի շարք խնդիրների հետ։

«Սիրիայի հետ կապված  Թուրքիայի վարած քաղաքականությունը, խորացող ռուս–թուրքական հարաբերությունները ստիպեցին ԱՄՆժին վերանայել հարաբերությունները Թուրքիայի հետ։  Այսինքն, տարածաշրջանում ուժերի վերադասավորություն է տեղի ունեցել, ինչի արդյունքում ԱՄՆ վերջնական համարեց Թուրքիայի կողմից S-400 հակաօդային պաշտպանության կայանքների գնումը։  Ներկայացուցիչների պալատում Հայոց ցեղասպանությունը ճանաչող բանաձեւը ընդունվելուց  եւ Սենատում մի քանի անգամ բանաձեւի վրա վետո դնելուց հետո էլ Թուրքիան այդ ամենն ի գիտություն չի ընդունել, ինչին հետեւեց արդեն ԱՄՆ Սենատի կողմից Հայոց ցեղասպանությունը ճանաչող բանաձեւի ընդունը միաձայն»,–նշեց Անդրանիկ Իսպիրյանը։

Թուրքագետը շեշտեց, որ բացի այն, որ բանաձեւի ընդունումը կապված է թուրք–ամերիկյան հարաբերությունների հետ, պետք է հատուկ նշել  ԱՄՆ–ում Հայ Դատի գրասենյակի տարիների աշխատանքների կարեւորությունն այս հարցում։

«Ինչքան էլ Ցեղասպանության ճանաչումը ունենա  ԱՄՆ–ի համար քաղաքական գործիք, այնուամենայնիվ, Հայոց ցեղասպանության  ճանաչմանն ուղղված աշխատանքներն են դրա կարեւորությունը բարձրացրել».–պնդեց թուրքագետը՝ հիշեցնելով, որ այս բանաձեւը դեռ պետք է ուղարկվի ԱՄՆ նախագահ Դոնալդ Թրամփին՝  ստորագրման համար։

Իսպիրյանի խոսքով՝ եթե Թրամփը չստորագրի, այն կրկին հետ է վերադառնում  քվեարկության եւ այս անգամ եթե ընդունվում է ձայների 2\3–ի կողմից, ավտոմատ այն համարվելու է ստորագրված։

«Իսկ թե կստորագրի՞ Թրամփը, Սենատը նորից վետո չի դնի՞, դա արդեն կախված կլինի, ցավոք, թուրք–ամերիկյան բանակցություններից»,–եզրափակեց Իսպիրյանը։

ԱՄՆ Սենատը միաձայն ընդունել է Հայոց ցեղասպանության ճանաչման բանաձեւը

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆրանսիայի նախկին վարչապետ Ժան-Պիեռ Ռաֆարենն այցելել է Հայոց ցեղասպանության հուշահամալիր
Այցի ավարտին պարոն Ժան-Պիեռ Ռաֆարենը Հիշողության պուրակում ջրել է...
Ֆրանսիայի Էքս Ան Պրովանսի քաղաքապետն այցելել է Հայոց ցեղասպանության հուշահամալիր
Հյուրերին դիմավորել է Հայոց ցեղասպանության թանգարան-ինստիտուտի թանգարանային աշխատանքների գծով փոխտնօրեն Լուսինե Աբրահամյանը...
«Սա մեր հարգանքի տուրքն է ձեր նախնիներին». «Սիհասին» խումբն այցելել է Ծիծեռնակաբերդի հուշահամալիր
Որպես Նավահո ցեղի ներկայացուցիչ՝ հիշատակի այս տուրքը մեզ համար կարևոր է նաև անձնական նկատառումներով։ Մենք՝ բնիկ ամերիկացիներս, ենթարկվել ենք…
Կլոդ Վիզլերի գլխավորած պատվիրակությունն այցելել է Ծիծեռնակաբերդի հուշահամալիր
Պատվիրակության անդամները ծաղկեպսակ ու ծաղիկներ են դրել Հայոց ցեղասպանության զոհերի հիշատակը հավերժացնող անմար կրակի մոտ, լռությամբ...
Նիդերլանդների ֆինանսների նախարարն այցելել է Հայոց ցեղասպանության հուշահամալիր
Նիդերլանդների Թագավորության ֆինանսների նախարար Սթիվեն Վան Վեյենբերգի...
Ուրուգվայի խորհրդարանը միաձայն կողմ է քվեարկել ապրիլի 24-ը Հայոց ցեղասպանության հիշատակի օր հռչակող օրինագծին
Հավանության արժանացած օրինագիծն իր միակ հոդվածով սահմանում է, որ յուրաքանչյուր տարվա ապրիլի 24-ը հայտարարվում է «Հայոց ցեղասպանության...
Ամենաշատ
Ֆոտոռեպորտաժներ