News
Լրահոս
News
Երեքշաբթի
Ապրիլ 23
Տեսնել լրահոսը

Թուրքիայի նախկին վարչապետ Ահմեթ Դավութօղլուն կոչ է արել վերակառուցել երկրի քաղաքական համակարգը։ «Թուրքիայում կառավարողն այլ ծրագիր չունի՝ իշխանությունում մնալուց բացի»,- ասել է Դավութօղլուն՝ հայտարարելով «Ապագայի կուսակցություն» ստեղծելու մասին, տեղեկացնում է AP-ը։

«Ապագայի կուսակցության ստեղծման մասին» հայտարարության հաջորդ օրը Դավութօղլուն ասաց, որ Թուրքիայի դատական համակարգը վերածվել է մեխանիզմի, որից «վախենում» են, այլ ոչ թե «վստահում», իսկ տնտեսությունը «խոր ճգնաժամի մեջ է»։

«Չնայած ճնշումներին եւ վախի մթնոլորտին, որոնք նրանք փորձել են ստեղծել, մենք հավաքվել ենք միասին, որպեսզի հաստատենք դեմոկրատական եւ բարգավաճ ապագա մեր երկրի համար»,- ասել է նա։

Չնշելով Էրդողանին՝ Դավութօղլուն խիստ քննադատել է իշխանության կենտրոնացումը առաջնորդի շուրջ, որը Թուրքիայում կառավարում է 2003 թվականի սկզբից, սկզբում որպես վարչապետ, հետո՝ որպես նախագահ։

«Նախագահական համակարգը կառուցվել է որքան հնարավոր է շատ իշխանություն գործադիր իշխանությանը հանձնելու եւ օրենսդրական ու դատական համակարգերի վրա ազդեցությունն ուժեղացնելու համար»,- ասել է նա։

Նրա խոսքով՝ անհրաժեշտ է պայքարել կոռուպցիայի դեմ եւ երաշխավորել իշխանությունների բաժանումը։ Նա նշել է, որ դատական համակարգի վերահսկման ջանքերը պետք է դիտարկվեն որպես «հանցագործություններից մեծագույնը»։ «Մենք պաշտպանում ենք դեմոկրատական խորհրդարանական համակարգը»,- ավելացրել է նա՝ կոչ անելով ընդունել նոր սահմանադրություն։

Դավութօղլուն հեռացել է Արդարություն եւ զարգացում կուսակցությունից այն բանից հետո, երբ նախկին փոխվարչապետ Ալի Բաբաջանը նույնպես հեռացավ ԱԶԿ-ից՝ վկայակոչելով խոր տարաձայնությունները։ Բաբաջանը նոր քաղաքական կուսակցության ստեղծման մասին կհայտարարի մի քանի շաբաթվա ընթացքում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Անկախ ՏԻՄ ընտրությունների արդյունքից, երկրի կառավարող ուժը նախագահն է. Էրդողան
Էրդողանը նշել է, որ անկախ ընտրողների կատարած քվեարկությունից, իրենք շնորհակալ են բոլորից...
Ստամբուլի եւ Անկարայի քաղաքապետերն սկսել են մրցարշավը նախագահական աթոռի համար. ԶԼՄ
Երկու քաղաքական գործիչներն ընդդիմության ներկայացուցիչներ են...
Էրդողանը կարող է փոփոխություններ կատարել նախարարների կաբինետում և իշխող կուսակցությունում. Hürriyet
Բացի այդ, փոփոխությունները պետք է տեղի ունենան նաև կուսակցության շտաբի և նախարարների կաբինետի հետ կապված...
Թուրքիայում բողոքներից հետո ընդունել են Վանի քրդամետ քաղաքապետի հաղթանակը
Ընդունվել է Աբդուլա Զեյդանի հաղթանակը...
Վանում արգելվել է հավաքներն ու բողոքի ակցիաները
Վանում քրդական DEM կուսակցության անդամը հաղթել էր քաղաքապետի ընտրություններում, սակայն հաղթանակից մեկ օր անց...
Ուրֆայի շրջաններից մեկում պարտված իշխող կուսակցության պահանջով նոր ընտրություններ են լինելու
Հիլվանում քրդական DEM կուսակցության թեկնածուն հաղթել է 3320 ձայնով...
Ամենաշատ