Ֆիլիպիններում 6.8 մագնիտուդով երկրաշարժի հետեւանքով զոհվել է մեկ երեխա, կան վիրավորներ, հաղորդում է Reuters-ը:
Մատանաոյի քաղաքապետ Վինսենթ Ֆերնանդեսը նշել է, որ զոհվել է 6-ամյա աղջիկ, որի վրա ընկել էր շենքի պատը:
Հիշեցնենք, որ այսօր Ֆիլիպիններում տեղի է ունեցել երկրաշարժ: Աղետի գոտում են հայտնվել Մինդանաո կղզում Դավաո քաղաքը, իսկ երկրաշարժի խորությունը կազմել է 28.2 կմ:
Ցունամիի նախազգուշացման կենտրոնում հայտնել են, որ երկրաշարժի հետեւանքով ցունամիի վտանգ չկա:
