Նոր Նորք վարչական շրջանի ղեկավար Հայկ Մհերյանն աշխատանքից ազատման դիմում  է ներկայացրել, այն այսօր քաղաքապետ Հայկ Մարությանը մակագրել է։ Այս մասին NEWS․am-ին հայտնեց  Երևանի քաղաքապետի մամուլի խոսնակ Հակոբ Կարապետյանը:

«Ազատվել է սեփական դիմումի համաձայն՝ այլ աշխատանքի անցնելու կապակցությամբ»,- նշեց Հակոբ Կարապետյանը:

Հայկ Մհերյանը մինչ Նոր Նորքի թաղապետի պաշտոնը ստանձնելը եղել է Ոստիկանության ակադեմիայի պետի տեղակալը: