News
Լրահոս
News
Շաբաթ
Հունվար 25
USD
478.87
EUR
528.43
RUB
7.75
ME-USD
0.05
Տեսնել լրահոսը

ՀՀԿ երիտասարդական կազմակերպության նախագահ Հայկ Մամիջանյանը Facebook-ի իր էջում ուղերձով դիմել է ՀՀ նախագահ Արմեն Սարգսյանին՝ օգտագործելով հենց նրա հայտարարությունները:

Նա, մասնավորապես, նշել է.

«Ուղերձ ՀՀ Նախագահ Արմեն Սարգսյանին.

«իմ ուղերձը Ձեզ մեկն է՝ ամենակարեւոր արժեքը Ձեր մարդկային արժեքներն են, Ձեր բարոյականությունն ու Ձեր մարդկությունը։ Չվախենաք ոչնչից». պարոն Սարգսյան, Դուք Աբու Դաբիում կայացած ֆորումի ժամանակ հենց այս խոսքերով եք դիմել մեզ՝ երիտասարդներիս։ Դուք Ձեր կառավարման ընթացքում խախտել եք Ձեր իսկ նշած բոլոր խորհուրդները, ուստի հիմա նույն ուղերձը ես փոխանցում եմ Ձեզ՝ մի կորցրեք Ձեր բարոյականությունը եւ կատարեք Ձեր պարտքը ու Ձեզ բաժին հասած «խրամատում» պահպանեք սահմանադրական կարգը, մի կորցրեք Ձեր մարդկային արժեքները եւ մի դարձեք որպես քաղաքական ֆարս սկսվող, իսկ հիմա արդեն բացահայտ հանցագործություն դարձած գործողությունների լուռ հանցակից։

Եվ ամենակարեւորը՝ ոչնչից մի վախեցեք։ Բարձրաձայնեք եւ կանխեք անարդարությունները ու կամայականությունները ՝ ինչ ճնշում էլ Ձեր վրա լինի։

Վստահեցնում եմ, որ այդ ճնշումը ոչինչ է պատմության մեջ որպես «Նիկոլ Փաշինյանի մոտ Նախագահ աշխատած մարդ» հավերժանալու ճնշման համեմատ։

Իսկ եթե ոգեշնչման կարիք ունեք, ապա խորհուրդ կտամ նայել ընկերներիս՝ երիտասարդ տղաների ու աղջիկների, որոնք արդեն երկու տարի է չվախենալով ոչ ֆեյքագրոհներից, ոչ ասֆալտից, ոչ քրեական գործերից, ոչ աշխատանքից ազատվելու սպառնալիքներից բարձրաձայնում են անարդարությունների ու կեղծիքների մասին։ Իրենք պատմության «ճիշտ կողմում» են հայտնվելու՝ վաղ, թե ուշ։

Տպել